Azerisport.com წერს, რომ 24 წლის ქართველი ფორვარდი ვატო არველაძე კარიერას აზერბაიჯანულ "ნეფთჩიში" გააგრძელებს. როგორც აღნიშნული წყარო წერს, ბაქოურ კლუბს ჩვენებურთან ტრანსფერის ყველა დეტალი უკვე შეთანხმებული აქვს.
არველაძე უახლოეს მომავალში გაივლის სამედიცინო შემოწმებას, რის შემდეგაც 1+1 სისტემის კონტრაქტს მოაწერს ხელს.
ქართველი თავდამსხმელი ბოლო კლუბი თურქული "კარაგიუმრუქი" იყო. არველაძეს თბილისის "ლოკომოტივსა" და "კორონაშიც" უთამაშია.
აქვე შეგახსენებთ იმასაც, რომ "ნეფთჩიში" ამ ზაფხულს კიდევ ერთი ქართველი ფეხბურთელი საბა კვირკველიაც ჩაირიცხა.
![კვირკველიას ავტოგოლი და საგოლე პასი "ალ აჰლის" წინააღმდეგ [VIDEO]](/pictures/image7/b25b6efb8f8e03d89ee8e7185572f0ae.jpg "კვირკველიას ავტოგოლი და საგოლე პასი \"ალ აჰლის\" წინააღმდეგ [VIDEO]")
