"ნაპოლიში" ხვიჩა კვარაცხელიას წარმატებულ დებიუტს "ინტერის" ყოფილი პრეზიდენტი მასიმო მორატი და "იუვენტუსის" ექს-გენერალური დირექტორი ლუჩანო მოჯი გამოეხმაურენ. რადიო "კის კისთან" მათი საუბარი AreaNapoli-მ გამოაქვეყნა.
მორატი: "სკუდეტოს ფავორიტი იმედია "ინტერია". რა თქმა უნდა, მე ვნახე როგორ კარგად, ძალიან კარგად თამაშობს ლუჩანო სპალეტის "ნაპოლი". ახალგაზრდა ფეხბურთელები შეინარჩუნეს, ცოტა გამოცდილება აკლიათ, მაგრამ ძალიან მხიარულად თამაშობენ, რაც საინტერესოა. ვნახოთ, რამდენს გაუძლებს. ჩინებული გუნდია.
მომწონს თუ არა ხვიჩა კვარაცხელია? ის ფენომენია. სად მონახეს? როგორ ჩაიგდეს ხელში? არავინ ელოდა, თუ ასეთი მაგარი იქნებოდა და უცბად ამდენ
გოლს გაიტანდა. ნეაპოლურ კლუბს ასეთი მნიშვნელოვანი ტრანსფერისთვის მადლობა უნდა გადავუხადოთ".
მოჯის თქმით, "ნაპოლი" სეზონის სტარტზე მიფრინავს, ამის მიზეზი კლუბის მიერ გაკეთებული შესანიშნავი შენაძენი კვარაცხელიაა, თუმცა ჯერ დიდ გუნდებთან მატჩებს უნდა დაელოდონ და დასკვნები შემდეგ გააკეთონ. მას მიაჩნია, რომ ნეაპოლურ გუნდს კარგი სეზონის ჩატარება შეუძლია, მაგრამ სერია A-ში ამჟამად საუკეთესო "ინტერია".
გოლეადორს ჭირდება განსაკუთრებული ალღო და გონება, რაც კვარას აქვს.
ძალიან ჭკვიანი მოთამაშეა. დავაკვირდი გოლის დროს პასი მასზე არ იყო, როგორ სხარტად მიეჭრა ბურთს. :)
კვარას ნაკლი არის ის რომ ქართველია, ამის გამო არ სცემენ სათანადოდ პატივს. უტყდებათ ჩამოვიდა ვიღაც ქართველი ღლაპი და დირკებს გვიტარებს ამ სახელოვან მოთამაშეებსო :) . რომ იყოს ბრაზილიელი ან ფრანგი სულ სხვა დამოკიდებულება იქნება.
მაგრამ ამასაც დაძლევს და გუნდის ლიდერი გახდება.
ბედნიერებაა, რომ ხვიჩამ უკვე დაამტკიცა თავისი შესაძლებლობები.