"ნაპოლის" მწვრთნელი ლუჩანო სპალეტი სერია A-ს მეცხრე ტურში "კრემონეზესთან" სტუმრად გამარჯვებამ (4:1) გაახარა, განაცხადა, რომ საქმისადმი ფეხბურთელების ასეთი დამოკიდებულებით ყველაფერი მარტივი და სასარგებლო ხდება და ხვიჩა კვარაცხელია შეაქო.
ნეაპოლური გუნდის მწვრთნელი განსაკუთრებით იმით დარჩა კმაყოფილი, რომ მეკარესთან პირისპირ გასულმა ქართველმა თავად კი არ გაიტანა, არამედ უკეთეს პოზიციაზე მყოფ ირვინგ ლოსანოს გადააწოდა ბურთი. მისი თქმით, ეს კვარაცხელიას გოლია, ამას არ დაუვიწყებენ, სიკეთე უკან დაუბრუნდება, ხოლო რაც შეეხება პენალტს, "კვარას" სულ ეუხეშებოდნენ და იმ ეპიზოდშიც წესების დარღვევას ჰქონდა ადგილი.
მოკლედ, რაც უნდა
მეურვეობდნენ ხვიჩას, რაც უნდა ეუხეშებოდნენ, რაც უნდა უგულებელყონ მატჩისას პარტნიორებმა, ის თავისას მუდამ აკეთებს და გადამწყვეტ მომენტში "თამაშსაც აკეთებს" - მიმდინარე სეზონში ყველა ტურნირზე 12 მატჩში 6 გოლი გაიტანა, 4 საგოლე გადაცემა გააკეთა და 3 პენალტი მოიპოვა. ვერაფერს იტყვი, შთამბეჭდავი შედეგია, მით უმეტეს, დებიუტანტისთვის.
ხვიჩას მოპოვებული პენალტი და საგოლე პასი - "ნაპოლიმ" გაიმარჯვა [VIDEO]
!["მისტერ, გთხოვ, გვაპატიე" - "ნაპოლის" ფანები რუდი გარსიას ბოდიშს უხდიან [PHOTO]](/pictures/image7/72a1c6a811e96b0d65479399ea7cf9a2.png "\"მისტერ, გთხოვ, გვაპატიე\" - \"ნაპოლის\" ფანები რუდი გარსიას ბოდიშს უხდიან [PHOTO]")
