უეფას ვიცე-პრეზიდენტმა ზბიგნევ ბონეკმა ჩვენთვის მეტად სასიამოვნო განცხადება გააკეთა. როგორც მან აღნიშნა, "ნაპოლის" სკუდეტოსა და ჩემპიონთა ლიგის მოგება შეუძლია. პოლონელი ბონეკი საფეხბურთო კარიერის განმავლობაში იტალიაში "იუვენტუსისა" და "რომას" ღირსებას იცავდა, შემდეგ კი რამდენიმე იტალიური გუნდიც გაწვრთნა.
"სპალეტი ძალიან მომწონს. ის ყურადღებას ყოველთვის მნიშვნელოვან საკითხებზე ამახვილებს და იცის, თუ რა უნდა მოსთხოვოს საკუთარ გუნდს.
ვფიქრობ, ის წლის მწვრთნელის ჯილდოს მოიგებს, ეს კი მას შემდეგ მოხდება, რაც მისი "ნაპოლი" სკუდეტოს დაისაკუთრებს.
"პარტენოპეის" ფანებს შეუძლიათ იყვნენ იმდენად ცრუმორწმუნეები, რამდენადაც უნდათ, მაგრამ შემიძლია ვთქვა,
ასევე ვფიქრობ, რომ მათ ჩემპიონთა ლიგის მოგებაც შეუძლიათ. რატომაც არა? - მათ ჰყავთ "კვარადონა", რომელსაც მე სწორედ ასე მოვიხსენიებ და ის სუპერდიდებული ტალანტია.
კიმი სერია A-ს ერთ-ერთი საუკეთესო მცველია. კონცენტრაცია, ენერგია, თუ როგორ ურტყამს ის თავით... სულ სხვა კატეგორიაა...
რა თქმა უნდა, ყოველთვის უნდა უფრთხოდე "მილანსა" და"ინტერს". "იუვე" ძალიან კარგი გუნდია, მაგრამ რაც ახლა ამ გუნდში ხდება, ყველაფერს უფრო ართულებს", - თქვა ბონეკმა Corriere dello Sport-თან.
მაგრამ კვარაზეა ყველაფერი დამოკიდებული
საითაც გაიწევს იქით გაყვება მთელი გუნდი
ვილოცოთ ჩვენც და ნაპოლიმაც, რომ კვარამ აკრიფოს თავისი ფორმა და ჯანმრთელად იყოს სეზონის ბოლომდე