„ნაპოლის“ ჩემპიონობა კარგა ხანია გარკვეული იყო, „სამპდორიას“ ქვედა დივიზიონში დაქვეითებაც და ამდენად, მატჩს არავითარი პრაქტიკული მნიშვნელობა არ ჰქონდა. შეხვედრის დაწყების წინ ხვიჩა კვარაცხელიას სეზონის საუკეთესო ფეხბურთელის, კიმ მინ ჯეს საუკეთესო მცველის, ვიქტორ ოსიმენს საუკეთესო თავდამსხმელის, ხოლო ლუჩანო სპალეტის საუკეთესო მწვრთნელის პრიზი გადასცეს.
მოლოდინისამებრ მასპინძლები თავიდანვე დაეუფლენ უპირატესობას, განუწყვეტლივ უტევდნენ, თუმცა რეალური მომენტის შექმნა უჭირდათ და პირველი ტაიმი უგოლოდ დასრულდა. შესვენების შემდეგ თამაშის სურათი არ შეიცვალა, „ნაპოლი“ უპირატესობას ფლობდა, შანსი კი კონტრიერიშზე სტუმრებს მიეცათ, მაგრამ გაბიადინის გატანა მეკარე მერეტმა არ დაანება. 62-ე წუთზე კი ოსიმენი მურუმ საჯარიმოში წააქცია და პენალტი თავად დაზარალებულმა გამოიყენა, რომელმაც 26-ე გოლი გაიტანა და ჩემპიონატის საუკეთესო ბომბარდირი გახდა. შემდეგ კვარაცხელიამ შეცვლაზე შესული გაეტანო მეკარეს პირისპირ შეჰყარა და მან მეტოქის კარის დალაშქვრა ვერ შეძლო. 83-ე წუთზე გაეტანომ ტრავმა მიიღო, მოედნის დატოვება მოუწია და რადგან სპალეტის ხუთივე ცვლილება განხორციელებული ჰქონდა, "ნაპოლი" კაცნაკლული დარჩა. თუმცა, შეცვლაზე შესულმა სიმეონემ გაიტანა და ნეაპოლურმა გუნდმა გაიმარჯვა.
ბოლოს გულშემატკივრებმა გულთბილად გააცილეს გენუელთა ვეტერანი ფორვარდი კვალიარელა, რომელმაც კარიერა დაასრულა.
ერთი სიტყვით, „ნაპოლისა“ და კვარაცხელიასთვის დიდებული სეზონი დასრულდა, მწვრთნელი სპალეტი ერთწლიან შემოქმედებით შვებულებაში გავა და მომავალ სეზონში გუნდი ახალი თავკაცის ხელმძღვანელობით იბრძოლებს ახალი მწვერვალების დასაპყრობად.
ნეაპოლი. „დიეგო მარადონა“
ნაპოლი - სამპდორია 2:0
გოლები: 1:0 ოსიმენი (65), 2:0 სიმეონე (85)
![alt](/pictures/image50/2574f02547c4720666a3c937be602582.jpg ""ნაპოლიმ" დიდებული საჩემპიონო სეზონი გამარჯვებით დაასრულა [VIDEO]")
Veni, vidi, vici - კვარაცხელიას საუკეთესო ფეხბურთელის პრიზი საზეიმოდ გადასცეს ![alt](/pictures/image50/01a84ba90bb4060d673d28a32e1c8899.png ""ნაპოლიმ" დიდებული საჩემპიონო სეზონი გამარჯვებით დაასრულა [VIDEO]")
"ხვიჩას ერთი გამორჩეული თვისება აქვს" - "ნაპოლის" ყოფილმა მწვრთნელმა კვარაზე ისაუბრა![alt](/pictures/image50/3ee32bb3ccd007b66d042816ceda9d9c.jpg ""ნაპოლიმ" დიდებული საჩემპიონო სეზონი გამარჯვებით დაასრულა [VIDEO]")
კვარაცხელიას სეზონის ბოლო მატჩის დღე, თასი, ჯილდოები და სპალეტის დამშვიდობება...
![ხვიჩა შეცვლაზე შევიდა - "ნაპოლიმ" "ჯენოას" სძლია [VIDEO]](/pictures/image7/8823115fa3399d5eb0e970d0eddb43b9.png "ხვიჩა შეცვლაზე შევიდა - \"ნაპოლიმ\" \"ჯენოას\" სძლია [VIDEO]")
