ლა ლიგის მესამე ტურში „ვალენსია“ სახლში „ოსასუნასთან“ 1:2 დამარცხდა.სტუმრები შეტევაში პასიურად გამოიყურებოდნენ, მაგრამ როგორც ხშირად ხდება, „ვალენსიას“ დაცვა ჩავარდა, სწრაფი კონტრიერიშისას კორეამ იბანიესი წააქცია და გიორგი მამარდაშვილს პენალტიდან გოლი ოროსმა გაუტანა. მასპინძლები ბევრს და უხიფათოდ უტევდნენ და პირველი ტაიმი 0:1 დასრულდა.
შესვენების შემდეგ თამაშის სურათი არ შეიცვალა, „ღამურები“ უპირატესობას ფლობდა, უფრო აგრესიულად მოქმედებდა, დურომ კარგი მომენტი ვერ გამოიყენა, თუმცა მან მე-80 წუთზე მეორე სართულზე გარსია დაჯაბნა და ანგარიში გაათანაბრა. ბოლოს "ვალენსია" შტურმზე გადავიდა, გერას გატანა მეკარე ერერამ არ დაანება,
„ვალენსია“ 6 ქულით მეექვსე ადგილზეა და 2 სექტემბერს გასვლაზე „ალავესს“ დაუპირისპირდება.
ვალენსია. „მესტალია“. 42 474 მაყურებელი
ვალენსია - ოსასუნა 1:2
გოლები: 0:1 ოროსი (23, პენ), 1:1 დურო (80), 1:2 ვიდალი (90+5)
"ვალენსიამ" "ბარსელონას" აღზრდილი ფეხბურთელი დაიმატა
![მამარდაშვილის შესანიშნავი დაბრუნება - გიორგიმ მეცამეტედ შეინახა კარი მშრალად [VIDEO]](/pictures/image7/8b3d7688481dbdca9f0ea97ee234718e.jpg "მამარდაშვილის შესანიშნავი დაბრუნება - გიორგიმ მეცამეტედ შეინახა კარი მშრალად [VIDEO]")
![როდესაც მთელი "მესტალია" შენ გვარს სკანდირებს - აი, ასე უყვართ "ვალენსიას" ქომაგებს მამარდაშვილი [VIDEO]](/pictures/image7/020cd12261e2f69612f7824f357132ae.jpg "როდესაც მთელი \"მესტალია\" შენ გვარს სკანდირებს - აი, ასე უყვართ \"ვალენსიას\" ქომაგებს მამარდაშვილი [VIDEO]")
1-ლი და ალბათ ყველაზე მარტივი - გუშინდელ შეხვედრაში ეს განსაკუთრებით კარგად ჩანდა, თამაშის განმავლობაში დგას რობოტივით, სახის მიმიკა არ ეცვლება. მნიშვნელოვანია მეკარე დამუხტული იყოს და მოთამაშეებსაც გადასცეს მუხტი, უყვიროს თანაგუნდელებს თუ საჭიროა, გაიღიმოს, რაიმე ემოცია გამოხატოს (ამ მხრივ სასიამოვნო გამონაკლისი რეალთან თამაში იყო და ესე უნდა იყოს სულ, ფაფარაშლილი ლომივით!);
2-ე - გამოსვლებზე თამაში. ფაქტიურად გამოსვლაზე არ თამაშობს ან როცა თამაშობს, ცდება, თითქოს შეშინებულია. აქაც მეტი ვარჯიში, სითამამე და თავდაჯერებულობა სჭირდება ამ კომპონენტში;
3-ე - პენალტების მოგერიება უნდა დაიწყოს. ჯერ ვალენსიას ოფიციალურ მატჩებში ერთი პენალტიც ვერ მოიგერია. უნდა ივარჯიშოს განუწყვეტლივ ამ კომპონენტზე, დარტყმის წინ მინიმუმ იმოძრაოს, დააშინოს პენალტის შემსრულებელი (წუხანდელ თამაშში უბრალოდ უემოციოდ იდგა ერთ ადგილას და გადააგილდა სხვა მხარეს).
იმედია თავადაც ხვდება და ვალენსიას მწვრთნელებიც ხედავენ ამ სისუსტეებს.
წარმატებები გიორგის და საქართველოს სახელით მოასპარეზე ყველა სპორტსმენს!