დღეს "კვარა" და "მამარდა" ითამაშებენ - რომელ ტაქტიკურ სქემაში ვნახავთ ხვიჩას?

https://www.youtube.com/watch?v=emXsWr9XbZc

უცნაურია,როცა გუნდს დაუნიშნეს მწვრთნელი,ვინც 3-5-2 ან 3-4-3 ათამაშებდა ყველა გუნდს და ახლა ეს მწვრთნელი 4-3-3 თამაშობს. ნებისმიერი სპეციალისტი თუ ექსპერტი გეტყვით,რომ ყველა მწვრთნელისთვის და გულშემატკივრისთვის სასურველი სქემა არის 4-3-3,თუმცა ყველა ვერ ათამაშებს ამ სქემაში გუნდებს. ეს იმიტომ ხდება რო მეტი ლავირება არის შესაძლებელი ამ სქემით,ბევრნაირად შეგიძლია გარდაქმნა პროცესში და ცვლილებებით. მაგალითად,კლოპი ამ სქემას სხვადასხვაგვარად იყენებს,ადრე მუშა ნახევარმცველებით 2-3-3-2 გარდაქმნიდა და ასე აღწევდა შედეგს. ამოწეულ ხაზში ორი ცენტრალური დამცველი რჩებოდა,სამი მუშა ნახევარცველი ერთ ხაზზე დგებოდა,ორი ფლანგის მცველი და ფირმინო ათიანის ზონას ასამებდა და წინ მანე სალაჰით უტევდა,ხოლო ეხლა ეს სქემა სხვანაირად გარდაქმნა,თავიდან 4-3-3 არის,თუმცა პროცესში 3-2-2-3 იღებს ან 2-3-2-3. იგივეს აკეთებს გვარდიოლა,ამ სქემას გარდაქმნის და ცენტრალური მცველი 6 ზონაში ადის და როდრის უწყვილდება. მოკლედ,ბევრი რო არ გავაგრძელო,ყველაზე კარგი სქემა არის,თუმცა გამოყენება უნდა.როცა ვუყურებდი ნაპოლის თამაშს ინტერთან და დავინახე სასტარტოში ელმასი,ვიფიქრე რო პროცესში 3-4-2-1 იქნებოდა,თუმცა შევცდი და ხვიჩა ისევ ეულად ყავდათ დატოვებული. ელმასს ქონდა უფრო თავისუფალი პოზიცია და ხშირად იცვლიდა ზონას,ხოდა რაც მიიღო ნაპოლიმ კი ნახეთ. უნდა ითამაშოს ნაპოლიმ 3-4-2-1,თუმცა ამ სქემაში ლობიტკას საჭიროება იკარგება და ამიტომ ვერ ურისკავენ ეტყობა. ელმას შეუძლია მარცხენა ზონის დაკავება და ფლანგის კონტროლი,მით უფრო რო სამ მცველიანი სქემა არის და მარცხენა ცენტრ მცველი ახლოს იქნება ზონალურად. დილორენცოს მეორე ფლანგზე ალტერნატივა არ არ აქვს და ამ ფორმაციაში,ზელინსკის და ზამბო ანგისას,ხოლო ათიანის ზონაში რასპადორის და ხვიჩას გამოყენება შეიძლება. ორივე მეტნაკლებად უნივერსალია შეტევაში და სამივე ზონაში შეუძლია თამაში,ამიტომ უპრიანი იქნება ზონების მუდმივი ცვლა და თავისუფალი სივრცეების გამონახვა. ოსიმენის ადგილი გარკვეულია და ბევრ საუბარს არ საჭიროებს. რა გახდა ეს ნაპოლი,რით ვერ მივიდა ისეთი მწვრთნელი,ვინც ხვიჩას თავისუფალ პოზიციას მიცემს და ისე ათამაშებს. შეხედეთ ბელინგემს რეალში,თავისუფალი პოზიცია აქვს და რა შედეგებს დებს. ხან 6 ნომერზე დგას,ხან ათიანის,ხან გარემარბის და ხან მეორე ფორვარდის ზონას ავსებს. ხვიჩას აქვს იმის უნარი,რომ ეს გააკეთოს. აბა,ასე არაფერი გამოვა,სამკლიტულში მოიმწყვდევენ მცველები და ზონას ვერ ტოვებს. ინტერმა ყოველ ჯერზე ასე გააჩერა,დარმიანი,დუმფრისი და ბარელა უკეთებდნენ სამკლიტულს,ხოდა ვერ გაძვრება ეგრე ვერავინ,ვერც მესი დაჟე,თუ მას ერთ ზონაზე მიაბავ.იუვენტუსი მკაცრად ფორმირებული დაცვითი სისტემით თამაშობს,შედეგზე ორიენტირებულ ფეხბურთს უბერავს და იგივეს გაუკეთებენ ხვიჩას,თან კატენაჩოზე ალეგრიზე მაგარი შეყვარებული სპეციალისტი არ არსებობს. ისე კი,იუვე ფავორიტია და მოიგებს დიდი ალბათობით,თუმცა შედეგი რაში მადარდებს,ხვიჩამ შეაგდოს შესაგდები. მამარდას წარმატებები და მშრალი კარი,ხეტაფე იმ კალიბრის გუნდი არ არის რო გოლის უეჭველი შემგდები იყოს,თუმცა არც ვალენსიას დაცვა ბრწყინავს. რაც არ უნდა იყოს,გიო კარგ ადგილას არის და ენდობიან.