დღეს, 8 მარტს, სერია A-ს 28-ე ტურში, "ნაპოლი" "ტორინოს" უმასპინძლებს. წამყვანი იტალიური გამოცემები "პარტენოპეის" რიგებში ხვიჩა კვარაცხელიას ძირითად შემადგენლობაში მოიაზრებენ. რაც შეეხება "ტორინოს" ცენტრალურ მცველ საბა საზონოვს, Toro.it-ი აღნიშნავს, რომ საზონოვის ძირითად შემადგენლობაში მოხვედრის შანსი ძალიან მცირეა, რადგან გუნდს ალესანდრო ბუონჯორნო დაუბრუნდა. გამოცემამ ყურადღება ქართველი მცველის "სალერნიტანასთან" და "რომასთან" დაშვებულ შეცდომებზეც გაამახვილა, თუმცა ეს ყველაფერი საბას გამოუცდელობით ახსნა.
შეგახსენებთ, გუნდებს შორის მატჩი თბილისის დროით 23:45 საათზე დაიწყება.
