ლიგა 1-ის 33-ე ტურში „მეცი“ გასვლაზე „სტრასბურგთან“ 1:2 დამარცხდა.
მასპინძლები უპირატესობას ფლობდნენ, მაგრამ პირველ ტაიმში მომენტები თითქმის არ იქმნებოდა, თამაში საინტერესო სანახავი არ იყო, სტუმართა გუნდის თავდამსხმელ გიორგი მიქაუტაძეს ყურადღებით მეურვეობდნენ და გასაქანს არ აძლევდნენ. თუმცა 54-ე წუთზე მან მცველი ჩამოიცილა და საჯარიმოს გარედან დალაშქრა ალაა ბელააურუშის კარი. 78-ე წუთზე მიქაუტაძე სწრაფი კონტრშეტევისას მოედნის ცენტრიდან ორ მეტოქეს გაექცა, მაგრამ მის მიერ დარტყმული ბურთი ძელს მოხვდა. სამწუხაროდ, ბოლოს „სტრასბურგმა“ ორი გოლი გაიტანა და გაიმარჯვა.
ქართველის თამაში ანალიტიკურმა საიტებმა შეაფასეს: whoscored 8.0, Sofascore 7.6, Flashscore 7.5.
მიქაუტაძემ ზედიზედ მეექვსე მატჩში გაიტანა, სულ კი მის ანგარიშზე საფრანგეთის მიმდინარე ჩემპიონატზე 19 შეხვედრაში 13 გოლი და 4 საგოლე გადაცემაა.
„მეცი“ 29 ქულით მე-16 ადგილზეა და 19 მაისს, ბოლო ტურში, პსჟ-ს უმასპინძლებს. ერთი რამის თქმა გადაუჭარბებლად შეიძლება - გიორგი მარტო მიათრევს "მეცს", უკეთეს გუნდში თამაშს იმსახურებს და ალბათ, მალე რომელიმე დიდ კლუბში ვიხილავთ.
სტრასბურგი. „სტად დე ლა მენო“
სტრასბურგი - მეცი 2:1
გოლები: 0:1 მიქაუტაძე (54), 1:1 ემეგა (89), 2:1 სანტოსი (90+1)
"ლიგა 1-ის საუკეთესო თავდამსხმელით "ატლეტიკო" დაინტერესდა" - რობინ ბეირნერი
![გამორჩეული ოდიშიარია და "რიგასის" საპატიო ფრე "ანდერლეხტთან" [VIDEO]](/pictures/image7/3730e9823073b388ae01bf5f8e313092.jpg "გამორჩეული ოდიშიარია და \"რიგასის\" საპატიო ფრე \"ანდერლეხტთან\" [VIDEO]")
![მიქაუტაძის 61 წუთი - "ლიონი" სტუმრად "ჰოფენჰაიმს" დაუზავდა [VIDEO]](/pictures/image7/c9c9447832e93674fa1e6b0fabd19405.jpg "მიქაუტაძის 61 წუთი - \"ლიონი\" სტუმრად \"ჰოფენჰაიმს\" დაუზავდა [VIDEO]")
![მიქაუტაძე შეცვლაზე შევიდა - "ლიონმა" სტუმრად "ლილთან" ქულა გადაარჩინა [VIDEO]](/pictures/image7/d85286a98a6feceb65d3a010ff2581c0.jpg "მიქაუტაძე შეცვლაზე შევიდა - \"ლიონმა\" სტუმრად \"ლილთან\" ქულა გადაარჩინა [VIDEO]")
https://youtu.be/Z3-mMUYV5G8?si=oftZx8J5dfNfLo-Y
ან თუ მაინდამაინც წასვლა გინდა, რუსეთში რატომ არ მიდიხარ? უვიზო გააკეთეს ქოცებმა.
ძალით წაგიყვანა ან ვინმე გაკავებს მანდ?