"კვარაცხელიამ რონალდოს ყველა ასპექტში აჯობა, კვირკველიას ამბავიც ძალიან მახარებს..." - სიომინმა საქართველოსა და პორტუგალიის მატჩი შეაფასა

ცნობილმა რუსმა მწვრთნელმა იური სიომინმა Championat-თან ინტერვიუში ევროპის ჩემპიონატზე საქართველოსა და პორტუგალიის (2:0) მატჩზე ისაუბრა.

სიომინის თქმით, ხვიჩამ ამ შეხვედრაში კრიშტიანოს აჯობა. გამოცდილმა სპეციალისტმა "ჯვაროსნების" დაცვის ხაზიც გამოარჩია.

"საქართველოს ნაკრები დაცვაში ბრწყინვალედ გამოიყურებოდა, რაც მათგან უჩვეულოა; კონტრშეტევები კი ძალიან სახიფათო ჰქონდათ. ამ კომპონენტში ორი ფორვარდი, ხვიჩა კვარაცხელია და გიორგი მიქაუტაძე, გამოირჩეოდა. ამ შეხვედრამ გვაჩვენა, რომ ქართველებს ნამდვილი გუნდი ჰყავთ.

ყველამ დავინახეთ, რომ როცა საქართველოს ნაკრები ბურთს კარგავდა, ხვიჩა დაცვაში ჩადიოდა და ბოლო მომენტამდე იბრძოდა. კვარაცხელიამ კიდევ ერთხელ დაამტკიცა, რომ ევროპაში ერთ-ერთი საუკეთესოა. რონალდოსთან შედარებით, ყველა ასპექტში უკეთესი იყო.

საბა კვირკველიას ამბავიც ძალიან მახარებს. ის "ლოკომოტივის" "ოქროს სეზონის" ერთ-ერთი შეუცვლელი წევრი იყო. პატივისცემას საქართველოს ნაკრების სამწვრთნელო შტაბიც იმსახურებს", - განაცხადა სიომინმა.

შეგახსენებთ, საქართველოს ნაკრებმა ევროპის ჩემპიონატზე F ჯგუფში 4 ქულით მესამე ადგილი დაიკავა და მერვედფინალში გავიდა, სადაც ესპანეთის ნაკრებს დაუპირისპირდება. შეხვედრა 30 ივნისს, თბილისის დროით 23:00 საათზე გაიმართება.

სავარაუდოდ, ქართველი ფანის თავდასხმა რონალდოზე თუ მიახლოება კუმირთან? - ჩვენს ნაკრებთან მატჩის შემდეგ კრიშტიანო შოკირებული დარჩა და ტრავმას გადაურჩა [VIDEO]

მომენტი და დიდი უცნაურობა, რომელიც ბევრს გამორჩა - რა გააკეთა საქართველო-პორტუგალიის მატჩის მსაჯმა კრიშტიანო რონალდოსთვის ყვითელი ბარათის მიცემის შემდეგ [PHOTO]

გასახდელისკენ მიმავალი გაგიჟებული რონალდო ქართველებს ამას აჩვენებდა - ინტერნეტში პორტუგალიელი ვარსკვლავის კადრები ვრცელდება [VIDEO]