ტრანსფერ-ONLINE: 2 აგვისტოს ტრანსფერები და ჭორები

AutoSharing Option
13:25. ესპანური პრესის ცნობით, გარეთ ბეილი ახლოს არის მადრიდის "რეალიდან" წასვლასთან. წყარო იუწყება, რომ ფლორენტინო პერესი კმაყოფილი აღარ არის თავისი ყოფილი საყვარელი ფეხბურთელით - მარკო ასენსიო უკეთ თამაშობს. გარდა ამისა, "რეალი", რომელიც ფულს არ ფლანგავს ამ ზაფხულს, ხარჯის შემცირებაზე ფიქრობს.

13:29. "სპარტაკს" ჯერ ისევ სურს რომან ნოიშტედტერი. Star წერს, რომ "ფენერბაჰჩეს" მცველი 3-4 მილიონ ევროდ არის შეფასებული. თურქული მხარე მზად არის მოლაპარაკებებისთვის.

13:32. ოფიციალურად! "ინტერმა" "ფიორენტინადან" შეიძინა მატიას ვესინო - 24 მილიონ ევროდ. 25 წლის ურუგვაელმა 4-წლიანი კონტრაქტი გააფორმა.

13:35.
ოფიციალურად! "ლაციომ" გამოაცხადა ფელიპე კაისედოს ტრანსფერის შესახებ. 28 წლის ეკვადორელი რომაელთა რიგებში 3 მილიონ ევროდ გადავიდა.

13:49. "ზენიტი" მოელაპარაკა არგენტინულ "ესტუდიანტესს" სანტიაგო ასკასიბარუზე. Ole წერს, რომ რუსები ნახევარმცველში დაახლოებით 8 მილიონ ევროს გადაიხდიან. ამბობენ, რომ 20 წლის ფეხბურთელის ტრანსფერი თავად კლუბის პრეზიდენტმა ხუან-სებასტიან ვერონმა მოიწონა.

14:01. Daily Mirror წერს, რომ"ჩელსი" შეუდგა ანტონიო კანდრევას ტრანსფერზე მუშაობას.

14:02. უსმან დემბელე - "ბარსელონას" მთავარი სამიზნეა ნეიმარის წასვლის შემდეგ. Sky Sport Italia წერს, რომ ფრანგი ყველას უსწრებს - დიბალას, ფილიპე კოუტინიოს, გრიზმანსა და მბაპეს. "დორტმუნდის" ვუნდერკინდი 33 მილიონ ევროდ არის შეფასებული.

14:12. ორი დღის წინ იწერებოდნენ, რომ "ფიორენტინას" 12 მილიონ ევროდ სურს ემრე მორის შეძენა. ამასობაში, "დორტმუნდმა" უარი უთხრა "რომას", რომელიც თურქში 20 მილიონს იხდიდა.

15:08. ვირჯილ ვან დეიკი ინდივიდუალურად ვარჯიშობს მას შემდეგ, რაც "საუთჰემპტონს" შეატყობინა, რომ წასვლა სურს. მთავარი პრეტენდენტი "ლივერპულია".

15:11. "მონაკოს" ნახევარმცველი ტომ ლემარი ახლოს არის წასვლასთან. Sky Sports წერს, რომ მონაკოელები 21 წლის გარემარბისთვის 55 მილიონ ევროს ითხოვენ. თუ ეს გარიგება შედგება, "მონაკოს" მთელი ზაფხულის განმავლობაში ტრანსფერებზე 200 მილიონ ევროზე მეტი ექნება გამომუშავებული.

15:29. "სასუოლოს" მცველი ჯანმარკო ფერარი ახლოს არის "სამპდორიაში" გადასვლასთან. გარიგება უახლოეს პერიოდში უნდა შედგეს.

15:41. 32 წლის ბურაქ ილმაზი, რომელიც ჩინეთის ლიგაში თამაშობდა, თურქეთში დაბრუნდა. "ბეიჟინგის" ყოფილი ფორვარდი "ტრაბზონის" მაისურს ჩაიცვამს, - წერს გუნდის ოფიციალური ვებგვერდი. მხარეებმა უკვე გააფორმეს სამწლიანი კონტრაქტი.

15:44. არსენ ვენგერი კიდევ ერთ ფრანგს ყიდულობს. "არსენალი" "ნიცასთან" აწარმოებს მოლაპარაკებებს ჟან-მიშელ სერიზე, - იტყობინება ESPN.

15:50. "რომამ" "მარიბორიდან" შეიძინა ფორვარდი ზან ცელარი. 18 წლის მოთამაშემ დედაქალაქურ კლუბთან კონტრაქტს მოაწერა ხელი, "მარიბორი" კი ერთ მილიონ ევროს მიიღებს.

16:00. "ტოტენჰემმა" მოილაპარაკა დიეგო სიმეონეს ვაჟის ტრანსფერზე. ჯოვანი, შესაძლოა, ლონდონური კლუბის პირველი შენაძენი გახდეს 2017 წლის ზაფხულში, - წერს 101 Great Goals. "ჯენოას" 22 წლის ფორვარდმა გასულ სეზონში 35 მატჩში 12 გოლი გაიტანა. "ატლეტიკოს" მთავარი მწვრთნელის ვაჟი 10 მილიონ ევროდ არის შეფასებული.

16:20. ჯერემი ტოლიანს "ტოტენჰემში" კარიერის გაგრძელების კარგი შანსი აქვს. "ჰოფენჰაიმმა" აცნობა ინგლისურ მხარეს, რომ გაუშვებს მარჯვენა მცველს 15-16 მილიონ ევროდ, - იტყობინება The Mirror. 22 წლის გერმანელმა გაიბრწყინა 21-წლამდელთა ევროპის ჩემპიონატზე და მაურისიო პოჩენტინო მასში კაილ უოკერის შემცვლელს ხედავს.

17:00. ოფიციალურად! პშემისლავ შჩიმინსკი "პალერმოში" გადავიდა. პლოცკის "ვისლას" ყოფილმა მცველმა იტალიელებთან 2020 წლამდე გააგრძელა კონტრაქტი. პრეზენტაცია დღეს გაიმართება. როგორც ირკვევა,. "პალერმომ" 250 ათასი ევრო გადაიხადა 23 წლის ფეხბურთელში.

17:04. ოფიციალურად! ალი სისოკო "მალათიასფორში" გადავიდა. "ასტონ ვილას" მარცხენა მცველმა თურქებთან ორწლიანი კონტრაქტი გააფორმა. უცნობია 29 წლის ფრანგში გადახდილი თანხის ოდენობა.

17:42. მოვსისიანი და ველინგტონი რუსეთში ბრუნდებიან. ყოფილი სპარტაკელების გადაბირება სურს "ლოკომოტივს", - წერს riafan.ru.

17:52. "მანჩესტერ იუნაიტედს" არ გამოსდის გარიგება სერჟ ორიესთან. ინგლისურმა კლუბმა უკვე შეათანხმა 32-მილიონიანი ტრანსფერი, მაგრამ ფრანგს არ აძლევენ ინგლისში მუშაობის უფლებას, - იტყობინება The Mirror.

18:10. ეშლი კოულმა ჯერ ვერ გაარკვია - სურს თუ არა ინგლისში დაბრუნება და იქ ჰარი რედნაპის "ბირმინგემში" თამაში.

18:40. თითქმის ყველა ესპანური ვებგვერდი წერს, რომ "ბარსელონა" აიყვანს ანტუან გრიზმანს.

19:20. ოფიციალურად! "სპარტაკმა" იჯარით აიყვანა მარიო პაშალიჩი სეზონის ბოლომდე. "ჩელსის" ნახევარმცველმა სამედიცინო შემოწმება გაიარა რომში. შარშან პაშალიჩი ასევე იჯარით თამაშობდა "მილანში" და 27 მატჩში ხუთი გოლი გაიტანა.

19:35. Mundo Deportivo წერს, რომ "ბარსელონა" ცდილობს ფილიპე კოუტინიოს ტრანსფერის დაჩქარებას. ინგლისში უკვე გაფრინდა კლუბის რამდენიმე წარმომადგენელი. კატალონიელებს ბრაზილიელში 120 მილიონი ევროს გადახდა მოუწევთ.

19:40. ოფიციალურად! "რენის" შემტევი მცველი ადამა დიახაბი "მონაკოში" გადავიდა - კონტრაქტი ხუთწლიანია. 21 წლის ფრანგში მონაკოელებმა 10 მილიონი ევრო გადაიხადეს.

19:44. ალექსის სანჩესმა "არსენალის" ფეხბურთელს გამოუცხადა, რომ კლუბის დატოვება სურს. Daily Mail წერს, რომ ჩილელი გუნდის პირველივე ვარჯიშზე ზარმაცობდა.

20:06. ნეიმარის შემდეგ "ბარსელონას" დატოვებს ანდრე გომეში. Tuttosport წერს, რომ "იუვენტუსმა" პრიორიტეტად აქცია პორტუგალიელის შეძენა. გომეში შარშან 35 მილიონ ევროდ გადავიდა "ბარსელონაში" "ვალენსიადან".

20:18. "უოტფორდს" დიდი იმედი აქვს, რომ "მანჩესტერ იუნაიტედი" დაუთმობს ტიმოტი ფოსუ-მენსას, - წერს Sun.

20:40. მირჩა ლუჩესკუ სათავეში ჩაუდგა თურქეთის ნაკრებს. რუმინელმა სპეციალისტმა "2+1" სქემით გააფორმა კონტრაქტი.

21:21. უკრაინელი ალექსანდრ ზინჩენკო "ნაპოლიში" გადადის. ESPN წერს, რომ ნახევარმცველი დათანხმდა "მანჩესტერ სიტიდან" ნეაპოლურ კლუბში იჯარას.

21:22. ოფიციალურად! "არსენალის" მეკარე ემილიანო როდრიგესი "ხეტაფეს" შეუერთდა - სეზონის ბოლომდე იჯარის წესით.

21:28. ფილ იაგიელკამ გაახანგრძლივა კონტრაქტი "ევერტონთან". მცველი ლივერპულში კიდევ ორ სეზონს გაატარებს.

ყოველდღიური სპორტული გაზეთი "ლელო"
მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული