რევაზ გოცირიძე: "ბროდარაცთან" შედეგის მიღწევა შეიძლება

"საბურთალოს" 19-წლამდელთა გუნდი უეფას ახალგაზრდული ლიგის მატჩისთვის ემზადება.

პირველ ნოემბერს, თბილისის დროით საღამოს 19:00 საათზე, სერბულ "ბროდარაცის" 19-წლამდელთა გუნდს დაუპირისპირდება.

მომავალ შეხვედრასთან დაკავშირებით, თბილისელთა 19-წლამდელთა გუნდის მთავარ მწვრთნელთან, რევაზ გოცირიძესთან ინტერვიუ ჩავწერეთ.

- თუ შეისწავლეთ მეტოქე, რთული მოწინააღმდეგე გვყავს თუ უფრო მარტივად უნდა დავძლიოთ ეს ბარიერი?
- ორ თამაშს ვუყურეთ "ბროდარაცის", რომელიც "მაქაბი ჰაიფასთან" გამართეს. მეტოქე ძლიერია, მებრძოლი გუნდია, ვიდრე "ბურსასპორი", მაგრამ შედეგის მიღწევა შეიძლება. ადვილი თამაში არ იქნება.

- "ბროდარაცი" როგორი სტილის გუნდია? უფრო შეტევებზე აკეთებს აქცენტს თუ დაცვით

ფეხბურთს ანიჭებს პრიორიტეტს?
- როგორც შეტევაში, ისე დაცვაზე აკეთებენ აქცენტს. გამორჩეულად არცერთს არ ანიჭებს უპირატესობას, დაბალანსებულად თამაშობენ.

- როგორ მიმდინარეობს "საბურთალოს" მზადების პროცესი, რაიმე დანაკლისი ხომ არ არის?
- 28 ოქტომბრიდან ჩვენ უკვე შეკრება დავიწყეთ. დანაკლისი გვაქვს, სამი ფეხბურთელია ტრავმირებული: ბუიღლიშვილი, მათოზაშვილი და ლაკვეხელიანი.

- ანუ ლუკა ლაკვეხელიანი არ იქნება?
- ლუკა ლაკვეხელიანს მენისკი აქვს დაზიანებული და ამ შეხვედრებში ვერ დაგვეხმარება.

- წინა შეხვედრაში ერთ-ერთი გამორჩეული იყო გუნდის მეკარე გოგა ნასყიდაშვილი. როგორ ფორმაშია?
- კარგ ფორმაშია, ემზადება ჩვეულებრივად და დანარჩენს თამაშში გამოაჩენს.

- როდის მიდიხართ სერბეთში?
- 31 ოქტომბერს, გამთენიისას მივდივართ სერბეთში თბილისიდან და დილის 09:00 საათზე ბელგრადში ვიქნებით. საღამოთი ვივარჯიშებთ და თამაშისთვის მოვემზადებით.

შეგახსენებთ, ტურნირის პირველ ეტაპზე "საბურთალომ" "ბურსასპორი" გამოთიშა.

- "საბურთალო" ახალგაზრდული ჩემპიონთა ლიგის შემდეგ ეტაპზეა! [VIDEO]