შიმკენტის "ორდაბასის" მწვრთნელად ოფიციალურად დაინიშნა კახა ცხადაძე.ის დღეს ფეხბურთელებს საწვრთნელ ბაზაზე წარუდგინეს. ცხადაძეს კონტრაქტი სეზონის ბოლომდე გაუფორმეს.
იქამდე კი კლუბთან ოფიციალურად გაწყვიტა შრომითი ხელშეკრულება ბულგარელმა მწვრთნელმა, გეორგი დერმენჯიევმა, რომელიც ამბობს, რომ სახელფასო დავალიანება არ დაუფარეს, კლუბი მძიმე ფინანსურ სიტუაციაშია, ლიცენზირება ვერ გაიარა და ევროპა ლიგაზე მონაწილეობის უფლება არ მისცეს.
"ორდაბასი" ყაზახეთის პრემიერლიგაში 13 ტურის შემდეგ 19 ქულით მე-4 ადგილზეა.
