ევროპა ლიგის მესამე საკვალიფიკაციო ეტაპზე ქუთაისის "ტორპედოს" მეტოქემ, "კუკეშმა" განცხადება გაავრცელა და ქართული მხარე პრობლემების შექმნაში დაადანაშაულა."ხანგრძლივი და დამღლელი მგზავრობის შემდეგ, საქართველოს ხელისუფლებამ წინააღმდეგობები შეგვიქმნა. გუნდი სასტუმრო "რედისონში" დაბანაკდა. მასპინძელმა "ტორპედომ" ჩვენთან არ ითანამშრომლა და მინიმალური ევროპული მოთხოვნები არ შეასრულა. ყველაზე მნიშვნელოვანი პრობლემა ისაა, რომ ვალონ ეტემს, ედის მალიკის და რეჯინალდო ფეიტას ვიზები არ მისცეს და ეს მიუხედავად იმისა, რომ განაცხადი დროულად გადავუგზავნეთ და ქართული მხარე ყველაფრის შესრულებას დაგვპირდა.
ჩვენი მეკარე ფატონ მალოკუ თბილისში 07:00 საათზე ჩავიდა და სპორტულ
ქართულ მხარესთან პირველი კონტაქტი სულაც არ იყო მეგობრული. ჩვენი კლუბი დანიშნულების ადგილას არ მიაცილა პოლიციის ეკიპაჟმა. კლუბის პრეზიდენტი საფეტ გჯიჩი გმობს ამგვარ დამოკიდებულებას, რომელიც პრობლემებს უქმნის გუნდს. ეს ფეირ პლეის პრინციპების დარღვევაა და "ტორპედოსთან" ნებისმიერ ურთიერთობას ვწყვეტთ. ჩვენ მათთან ოფიციალურ სადილზეც არ მივალთ და ამის შესახებ უეფას დელეგატსაც ვაცნობეთ.
ჩვენმა კლუბმა "ტორპედოსთან" მეგობრობისთვის მრავალი ღონისძიება შეიმუშავა, მაგრამ ასეთი დამოკიდებულების გამო ჩვენს პატივისცემას არ იმსახურებენ. "კუკეშში" თამაშობს ქართველი ირაკლი ძარია, რომელიც სანიმუშო ფეხბურთელია. მას შეუძლია თავის თანამემამულეებს მოუყვეს, თუ როგორი სტუმართმოყვარეები ვართ.
"კუკეში", როგორც ტურნირის მონაწილე თავს უფლებას ვერ მისცემს "ტორპედოსავით" მოიქცეს და უეფას რეგლამენტს არ დაარღვევს. მათი მხრიდან ეს რასიზმის გამოვლინებაა, რომელსაც უეფა გმობს.
იმედს ვიტოვებთ, რომ ეს ამდენი წვალება სტიმულს შეგვძენს და ღირსეულად ვიასპარეზებთ. ყოფილი საბჭოთა კავშირის არაერთ გუნდთან გვითამაშია, თუმცა მსგავსი პრობლემა არსად არ შეგვქმნია. ყოველივე ამას შესაბამისი ზომების მისაღებად ალბანეთის ხელისუფლებას ვაცნობებთ".
![alt](/pictures/image50/30924050cb551eec865897e4d7ab1338.png ""კუკეში": ეს საქართველოს მხრიდან რასიზმია და "ტორპედოსთან" ყოველგვარ ურთიერთობას ვწყვეტთ")
"ტორპედო": ჩვენს მიმართ ბრალდება უსაფუძვლოა, მატჩს ჩაშლა არ ემუქრება
![alt](/pictures/image50/68fa12c803ef99a97375d78a869c1759.jpg ""კუკეში": ეს საქართველოს მხრიდან რასიზმია და "ტორპედოსთან" ყოველგვარ ურთიერთობას ვწყვეტთ")
რატომ არ მისცეს "კუკეშის" ფეხბურთელებს ვიზა? - "ტორპედოს" პასუხი
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
