"კუკეშის" თავკაცი: ჩვენ არ ვართ დევნილები, ასეთი რამ მე აქამდე არსად მინახავს

ხვალ, 9 აგვისტოს ქუთაისის "ტორპედო" 21:00 საათზე "კუკეშს" დაუპირისპირდება, მატჩისწინა პრესკონფერენციაზე მომავალ დაპირისპირებაზე ალბანელთა მწვრთნელმა არმანდო ცუნგუმ და გუნდის კაპიტანმა ილი შამეტმა ისაუბრეს.

არმანდო ცუნგუ: "გუნდში ატმოსფერო კარგი ნამდვილად არაა. მთავარი მიზეზი კი ისაა, რომ ოთხ ფეხბურთელს ვიზა არ მისცეს. აქედან გამომდინარე, უკვე დანარჩენი პრობლემებიც წარმოიქმნა. ხაზი მინდა გავუსვა ფეირ-პლეის პრინციპების დაცვას. ჩვენ აქ მხოლოდ ფეხბურთის სათამაშოდ ვართ და არ გვინდა მას პოლიტიკა დავუკავშიროთ.

ჩვენ ვართ ფეხბურთელები და არა პოლიტიკოსები. ჩვენ არ ვართ დევნილები, ასეთი რამ

მე აქამდე არსად მინახავს. მე არ მაქვს არანაირი ინფორმაცია ვის მოვთხოვო პასუხი. ჩემთვის სულ ერთია ვინაა დამნაშავე, საქართველოს სახელმწიფო თუ ორგანიზატორი გუნდი".

ილი შამეტი: "ჩვენს გუნდს შემდეგ ეტაპზე გასვლის კარგი შანსი აქვს და ამისთვის ყველაფერს გავაკეთებთ. გუნდში ატმოსფეროს რაც შეეხება, დავეთანხმები მწვრთნელს და ის კარგი ნამდვილად არაა. თუმცა, ჩვენ კონცენტრაციას თამაშზე მაქსიმალურად მოვახდენთ".

alt რატომ არ მისცეს "კუკეშის" ფეხბურთელებს ვიზა? - "ტორპედოს" პასუხი

alt "კუკეში": ეს საქართველოს მხრიდან რასიზმია და "ტორპედოსთან" ყოველგვარ ურთიერთობას ვწყვეტთ