"არ შეიძლება ტალახის სროლა, როდესაც საქმის ვითარებაში გარკვეული არ ხარ"

AutoSharing Option
"პირველი არხის" სპორტული რედაქციის ხელმძღვანელი გიორგი ზურაბიშვილი სოციალურ ქსელში პოსტს აქვეყნებს, სადაც ქუთაისის "ტორპედოს" მატჩის ტრანსლაციასთან დაკავშირებით განმარტებებს აკეთებს.

როგორც იცით, ქუთაისური კლუბისა და "ლუდოგორეცის" დაპირისპირების ტრანსლაციას დღეს, 19:45 საათიდან, "სილკ უნივერსალი" შემოგთავაზებთ.

"მინდა გამოვეხმაურო "პირველი არხისა" და ქუთაისის "ტორპედოს" გარშემო განვითარებულ მოვლენებს. ჯერ შვებულებაში ვიყავი ნაჩუქარში, შემდეგ მივლინება მქონდა - ცხენოსნობაზე ვაკეთებ დოკუმენტურს და ამ პერიოდში მოვწყდი მოვლენებს.

ახლა გავერკვიე და მინდა ყველას პასუხი გავცე. პირველ რიგში, ჩემთვის აბსოლუტურად გასაგებია ყველა გულშემატკივრის წუხილი იმის გამო, რომ "კუკეშისა" და "ტორპედოს"
დაპირისპირება მაყურებელმა ვერ იხილა. ეს აბსოლუტურად გასაგებია. თუმცა, იმისთვის, რომ ტალახი ვისროლოთ და ადამიანები ვლანძღოთ, ალბათ, საჭიროა, ამ კომპლექსურ საკითხს სწორ, გლობალურ ჭრილში შევხედოთ და ახლა შევეცდები საქმის ვითარება გასაგებად აგიხსნათ.

პირველ რიგში მინდა იმის თქმა, რომ არსებობს ორნაირი სიტუაცია. ერთი, როდესაც პროდუქტი არის არაკომერციული, მაგრამ საჭირო და საინტერესო. ეს ნიშნავს იმას, რომ რეალურად ბაზარზე ამ პროდუქტზე მოთხოვნა არ არსებობს, მისი ბიზნესკუთხით შეძენა წამგებიანია, სარეკლამოს თანხების მოზიდვა არ შეუძლია და ყველა კერძო ტელევიზია პროდუქტზე უარს ამბობს.

ამ შემთხვევაში, "საზოგადოებრივი მაუწყებელი" ვალდებულია, თავის თავზე აიღოს პროდაქშენი და განთავსება. ამ ყველაფერში იხარჯება რესურსი, რაც უნდა დაიხარჯოს და ამისთვის ჩვენ არანაირ სარგებელს არ ვეძებთ. არავინ აშუქებს და ვალდებულები ვართ, რომ გადავცეთ. ამისთვის ვარსებობთ.

თუმცა არსებობს მეორე ვითარება, როდესაც მხარე გადაწყვეტს, რომ პროდუქტი არის კომერციული და მისი გაყიდვით აპირებს ფულის შოვნას. ეს ხდება მაშინ, როდესაც ბაზარზე არის მოთხოვნა, შეიძლება მისი შეძენით ფულის გაკეთება და ასეთ დროს "საზოგადოებრივი მაუწყებელი" უკვე ვალდებული აღარ არის, შევიდეს სხვა არხებთან კონკურენციაში და ფული იმაში დახარჯოს, რაშიც უკვე იხარჯება ბაზარზე კერძო პირების მხრიდან. ეს თავისუფალი ბაზრისთვის და ჯანსაღი კონკურენციისთვის პირიქით, საზიანოც კი არის.

სამწუხაროდ, ჩვენთან ხშირად ისე ხდება, რომ რეალურად ბაზარი არ არსებობს, პროდუქტი არაკომერციულია, მაგრამ გარკვეულ მხარეებს მაინც სურთ მისგან ფულის გაკეთება და თან მერე ჩვენ გვაკისრებენ ვალდებულებას. ეს პრინციპულად არასწორია. მხარე უნდა გამოვიდეს და თქვას. თუ უნდათ ამ პროდუქტის გაკომერციულება და ჰგონიათ, რომ ბაზარი მზად არის, ჩვენ მერე აღარ უნდა გვავალდებულებდნენ ჩვენებას. მაგრამ თუ არ არის ბაზარი და ჩვენ ვაკეთებთ, ამაში დამატებით თანხას აღარ უნდა ითხოვდნენ.

ასევე ძალიან მნიშვნელოვანია კონკრეტიკა და შევეცდები, ზუსტად აგიხსნათ, რა და როგორ:

"კუკეში"-"ტორპედო" როდესაც თამაშობს, თავდაპირველად უფლებებს ფლობენ გუნდები. მათ უნდა გადაწყვიტონ უნდათ თუ არა პროდუქტის კომერციალიზაცია. თუ არ უნდათ, ჩვენ ვერთვებით მოლაპარაკებაში, ვაწარმოებთ მოლაპარაკებას "კუკეშთან" და თუ მათაც აინტერესებთ ეს თამაში, ხდება სიგნალების გაცვლა. ჩვენ აქ ვაწარმოებთ პროდუქტს და ვაძლევთ ალბანელებს და ისინიც საპასუხო მატჩის დროს აკეთებენ იმავეს.

ამ კონკრეტულ შემთხვევაში ქუთაისის "ტორპედომ" დაგვავალდებულა თამაშის გადაღება, განაცხადა, რომ პროდუქტი არის არაკომერციული და შემდეგ, როდესაც ჩვენ თამაში გადავიღეთ და ვაჩვენეთ, სიგნალი მიჰყიდა მესამე პირს, რომელმაც შემდეგ მიჰყიდა სიგნალი ალბანელებს. ამით ფული იშოვა "ტორპედომ", შესაბამისად, გააკომერციულა პროდუქტი.

მერე უკვე საპასუხო მატჩის ჯერი როდესაც დადგა, მესამე პირი ფლობდა ჩვენების უფლებებს, ამ გაკომერციალიზების გამო. სიგნალების გაცვლა აღარ შედგა, მესამე მხარემ ფული მოითხოვა და შემდეგ "ტორპედო" ისევ ჩვენ გვავალდებულებდა ამ გასილითი თამაშის ყიდვას. ეს თავისთავად უკვე პრინციპულად არასწორია.

"საზოგადოებრივი მაუწყებლის" დღევანდელ მენეჯმენტს აქვს პოლიტიკა, რასაც მე აბსოლუტურად ვიზიარებ, რომ მესამე პირებისგან არ მოხდეს პროდუქტის შეძენა. ეს სქემა თავისთავად არის "კორუფციული" და "ატკატების" ძალიან კარგ საშუალებას იძლევა. "ტორპედოს" არგუმენტი, რომ თავიდან პროდუქტი 20,000 ევრო ღირდა და მერე დააკლებინეს მესამე პირს და 3,000-მდე ჩამოაყვანინეს, ეს მათდაუნებურად არგუმენტი კი არა, თავიანთივე კონტრარგუმენტი გამოდის. ეს რას ნიშნავს, რომ არსებობდა რაღაც მარჟა, ამ შემთხვევაში 17,000, რომელიც დააკლეს. რომ გადაგვეხადა ეგ 20,000 ევრო და შეგვეძინა მესამე პირისგან ეს ტრანსლაცია, ეგ ნიშნავს, რომ "ატკატის" საშუალება არსებობდა, მაგას ვერავინ ვერ გააკონტროლებს და საზოგადოების გადასახადით დაფინანსებული ორგანიზაცია ასეთ ვაჭრობაში საერთოდ არ უნდა შედიოდეს.

იყო ამ ტელევიზიაში დიდი ხნის განმავლობაში მსგავსი პრაქტიკა, როდესაც ძალიან დიდ თანხებს შოულობდნენ, როგოც შიგნით, ისევე გარეთ ადამიანები, ამ მარტივი "ატკატებით" და მესამე პირებით. შესაბამისად, აბსოლუტურად სწორია მსგავსი მიდგომა. "საზოგადოებრივი მაუწყებელი" არის მოსახლეობის გადასახადებით დაფინანსებული ორგანიზაცია და შესაბამისად, გააჩნია სპეციფიკური პასუხისმგებლობები.

რაც შეეხება "ლუდოგორეცთან" თამაშს, ჩვენ ბულგარულ მხარესთან შეთანხმება მიღწეული გვქონდა და სიტყვიერი თანხმობა იყო რეპორტაჟების გაცვლაზე. თუმცა, როგორც ჩანს, "ტორპედომ" ისევ პროდუქტის კომერციალიზაცია გადაწყვიტა და უფლებები "სილქნეტს" გადასცა, რომელიც მოახდენს კიდეც თამაშების ტრანსლირებას. ამაში უცნაური არაფერია და საგინებელიც არაფერია. გუნდი ფულს შოულობს, კერძო კომპანია იხდის და გადასცემს. ღმერთმა გაუმარჯოს ყველას თავის გზაზე.

არ შეიძლება ტალახის სროლა, როდესაც საქმის ვითარებაში გარკვეული არ ხარ. იმაზე აღარაფერს ვიტყვი, რომ თურმე "პირველი არხი" ქართულ ფეხბურთს გვერდში არ უდგას. რა რესურსიც სპორტში იდება, როგორც ფინანსური, ასევე ადამიანური, რამდენსაც ჩვენ ვშრომობთ, გაიხსენეთ, როდის ყოფილა რამე მსგავსი ქართულ ტელესივრცეში, ვის გაუკეთებია, რომელ ტელევიზიას უჩვენებია?! უმადურობა არ არის კარგი. გასაგებია გულისწყრომა, მაგრამ სწორად აზროვნებას უნდა მივეჩვიოთ", - წერს ზურაბიშვილი.

Sportall.Ge

alt"პირველი არხი" "ტორპედოს" მატჩის ტრანსლირებასთან დაკავშირებით განცხადებას ავრცელებს

altგაირკვა არხი, რომელიც ტორპედო-ლუდოგორეცის მატჩს აჩვენებს

altტორპედო VS ლუდოგორეცი - დავითისა და გოლიათის ბრძოლა

მკითხველის კომენტარები / 29 /
ნეტავ ხელფასი რამდენი აქვს ამ ტიპს?და ვინ უხდის თუ იცის?
რეზი
23 აგვისტო 2018 16:27
10
ra shuashia axla rac tqvii?
giga
23 აგვისტო 2018 17:03
1
და ჩვენ რატო ვაფინანსებთ ამ საზ მაუწყებელს ეგ ვერ გავიგე რო ჩაატარო ეხლა გამოკითხვა ოთხმოცი პროცენტი იქნება ამ ტელევიზიის გაუქმების მომხრე თურქებსაც ააქვთ საზ მაუწყებელი მარა არა ეგეთი ფარჩაკი როგორც ჩვენთან.
zaza
23 აგვისტო 2018 16:15
7
რა კომპლექსური საკითხი? რა გლობალურად შევხედო? რა ფართო ჭრილში დავინახო?? საზოგადოებრი მაუწყებელი ხარ, ხალხის ჯიბიდან ფინანსდები კეთილი ინებე და ყველაფერი უნდა გააკეთო იმისათვის რომ ხალხს თამაში ანახო.
giga
23 აგვისტო 2018 16:14
5
1. თუ პროდუქტი საინტერესოა რატომ არის არაკომერციული. ანუ ვისთვისაა საინტერესო მაშინ? ამისთვის? :D
2. თუ პროდუქტი მომგებიანია, საზოგადოებრივი მაუწყებელი არ უნდა შევიდეს კონკურენციაში საზიანოა ბაზრისთვისო და უკაცრავად როგორ აპირებენ ყურებადი გახდნენ? :D
3. საზ. მაუწყებლის განცხადებაში იტუქსებოდნენ, ჩვენ ხომ უფასოდ ვაჩვენებდითო ანუ იქით უნდა გადაეხადა თურმე ფული ტორპედოს და რომ არ გადაახდევინა საზ. მაუწყებელმა მადლობა უნდა ეთქვათ :D

ბიძიკო. ესე რომ ფიქრობ შენ და მანდ ვინც ხართ მიტომ ხართ ნეხვში, ურეიტინგოები და დაგცინით მთელი ქვეყანა. წურბელებივით აზიხართ ბიუჯეტს და მე გიხდით ფულს რომ იარსებოთ. ახალგაზრდა კაცი ხარ სანამ დაწერ გაანძრიე მაგ ტვინი!
გიორგი 4
23 აგვისტო 2018 16:09
3
რაც მათვარია თვითონ ხო აიხდინა ოცნება და ლუჟნიკებიდან წაიყვანა რეპორტაჟი,ჩვენი მაგითაც ბედნიერი ვართ.
TBILISI
23 აგვისტო 2018 15:54
3
ცხენოსნობაზე რო ყრით ფულს და ათას სისულელეებზე მაგიტო არ გიყურებთ არავინ. :D ცხენოსნობა ნომერ პირველი სპორტია საქართველოში. სადაა ეხლა დავით აღმაშენებელი თავადის წოდებას მოგცემდა :D
trumania
23 აგვისტო 2018 15:48
2
აუჰ, ამას მამამისზე მეტი ლაპარაკი სცოდნია...
ის ურჩევნია მამულსა
23 აგვისტო 2018 15:34
1
"ამ კონკრეტულ შემთხვევაში ქუთაისის "ტორპედომ" დაგვავალდებულა თამაშის გადაღება"-ეს ფრაზა რას ნიშნავს? სირცხვილია...
რაული
23 აგვისტო 2018 15:24
2
გიორგი, ოღონდ თქვენ თამაშები აღარ წაიყვანოთ და რაც გინდა წერეთ - გეთანხმებით ყველაფერში წაუკითხავად.
მსოფლიოს წაყვანის შემდეგ წესით აღარც უნდა ცადოთ ეგ საქმე, მიხედეთ მხოლოდ ხელმძღვანელობას.
???
23 აგვისტო 2018 15:23
7
ლიგა რატო არ იყიდეტ ხალხის პულიტ? ტუ ეგეც მესამე პირს ქონდა უეპასგან გადაცემული? მერე იტყვიტ პირველ არხს რატო არავინ არ უყურებსო
liverpuli barselonas supermarketi.
23 აგვისტო 2018 15:12
5
უეფა მესამე მხარეა და მაგიტომ. ამათ პირდაპირ ბარსელონასგან ან ბაიერნისგან უნდოდათ, ისიც თანახმა იყვნენ უფასოდ ეჩვენებინათ, მაგრამ იმ უმადურებს უეფასთვის გადაუციათ და იქ აღარ გამოდიოდა შესვლა, თავისუფალ კონკურენციას დაარღვევდნენ ბაზარზე. თან ატკატების საშიშროება ჩნდებოდა.
kote
23 აგვისტო 2018 18:06
0

ასევე დაგაინტერესებთ
სიახლეები პოპულარული