"ნეფტჩისა" და აზერბაიჯანის ნაკრების ექსთავდამსხმელმა სამირ ალეკპეროვმა azerisport-თან ინტერვიუში კითხვაზე უპასუხა, მოეწონა თუ არა თავისი ყოფილი გუნდი თბილისის "დინამოსთან" ჩემპიონთა ლიგის საკვალიფიკაციო ეტაპის მატჩებში.
"მე ყველაზე მეტად ის მომეწონა, თუ როგორ მიუჩინა თავისი ადგილი სამირ აბასოვმა კახა ცხადაძეს, რომელსაც ძალიან აქებენ ჩვენს პრესაში, ლამის მოურინიოს დონეზე აიყვანეს. ასევე ზედმეტად აქეს "ოლიმპიაკოსი". კინაღამ მეც შემეშინდა. შედეგად, მიუხედავად წაგებისა, ბაქოელებმა საბერძნეთის ჩემპიონზე უარესად არ ითამაშეს. ამ "ოლიმპიაკოსის" გავლა შეიძლებოდა. სამწუხაროა, რომ ჩვენთვის ჩემპიონთა ლიგა ასე სწრაფად დასრულდა. ასეთი შანსი, შესაძლოა, მეტად აღარ
მოგვეცეს", - განაცხადა ალეკპეროვმა.
შეგახსენებთ, "ნეფთჩიმ" თბილისის "დინამოს" სძლია (2:1, 2:1), ხოლო "ოლიმპიაკოსთან" დამარცხდა (0:1, 0:1).
![alt](/pictures/image50/92b4875bd034c947f84551ed4349d5f7.jpg ""ცხადაძე აზერბაიჯანში ლამის მოურინიოს დონეზე აიყვანეს" - ამბობს "ნეფთჩის" ყოფილი ფეხბურთელი")
ცხადაძე: ორ მატჩში ოთხიდან სამი გოლი თითქოს თავად გავიტანეთ საკუთარ კარში
