მოსკოვის "დინამოსა" და რუსეთის ნაკრების ყოფილმა თავდამსხმელმა იგორ კოლივანოვმა, რომელიც "ფოჯასა" და "ბოლონიაში" თამაშობდა, ხვიჩა კვარაცხელიას "ნაპოლიში" მომავალ ტრანსფერზე ისაუბრა.
"გასაგებია, ხვიჩა ბათუმის "დინამოში" იმიტომ გადავიდა, რომ იქიდან ევროპაში გაემგზავროს. გეგმები, ალბათ, ჰქონდა, ეს ხომ ორ დღეში არ წყდება. "ნაპოლი" მისთვის ძალიან საინტერესო ვარიანტია. ეს შესაძლებლობაა ბევრს დაუმტკიცოს, რომ იტალიის ჩემპიონატში სათამაშოდ მზადაა. მე, როგორც ყოფილ ფეხბურთელს, მისი ამბავი მახარებს. შეუძლია ჩემპიონობის პრეტენდენტ გუნდში გადავიდეს. მისთვის ეს წინ გადადგმული ნაბიჯია.
თუ გავიხსენებთ, წინადადება იმ წლის ბოლოს ჰქონდა. თუ ფეხბურთელები სადმე
გაიელვებენ, მათ სხვა დონეზე გადასვლა სურთ. ხვიჩა ერთ-ერთი იმათგანია, ვინც ევროპაში წასვლაზე ოცნებობდა. "რუბინში" მან თავი საუკეთესო მხრივ წარმოაჩინა, გუნდის ერთ-ერთი ლიდერი იყო. შესაძლოა, ამიტომ შეეცვალა ხასიათი, არ გამოუვიდა გამგზავრება ან კიდევ რაღაც. ახლა ასეთი სიტუაციაა და ამით ისარგებლა.
რაც შეეხება ბათუმის "დინამოს", ჩემს აზრს გულახდილად გეტყვით - მე არ დავრჩებოდი. იქ სასაცილო ჩემპიონატია. თავის ჩემპიონატში ყველას მთრეველი იქნება, შემდეგ რა? გამოვა, როგორც პსჟ-ში. რამდენი ხანია ჩემპიონთა ლიგის მოგება უნდათ? ვერაფრით ახერხებენ. საფრანგეთის ჩემპიონატში წინააღმდეგობას ვერავინ უწევს. გადიან ჩემპიონთა ლიგაზე და არაფერი გამოსდით, ვინაიდან იქ სხვა განწყობაა, სხვა სისწრაფეები და გუნდები იბრძვიან.
დარჩება ხვიჩა ბათუმში, დაიკავებენ პირველ ადგილს და რა? იქ სხვა სისწრაფეებია, ისინი ფიზიკურად ვერ დაასწრებენ. მე ამას ყოველთვის ვეუბნები ჩემს რუს ფეხბურთელებს. ამიტომ, დაე, ხვიჩა წავიდეს და თავისი დაამტკიცოს. ადვილი არ იქნება, იქ ხომ სუსტი ფეხბურთელები არ არიან", - ციტირებს კოლივანოვს "ჩემპიონატი".
![alt](/pictures/image50/5bda37276f814afd54091e660a1bbb53.jpg ""ხვიჩას "ნაპოლიში" გადასვლა მახარებს და თავისი უნდა დაამტკიცოს" - რუსეთის ნაკრების ექს-ფეხბურთელი")
"ნაპოლი" ხვიჩას სანაცვლოდ 8 მილიონს გადაიხდის ![alt](/pictures/image50/8771b5d6bcf606885881b3ead6c27370.jpg ""ხვიჩას "ნაპოლიში" გადასვლა მახარებს და თავისი უნდა დაამტკიცოს" - რუსეთის ნაკრების ექს-ფეხბურთელი")
ვლადიმირ ვაისმა ხვიჩას "ნაპოლიში" გადასვლაზე ისაუბრა
ამათმა ვის უნდა დასცინონ.