კონფერენს ლიგის საკვალიფიკაციო ეტაპის 1/8-ფინალში "პაიდესთან" საშინაო მარცხის შემდეგ (2:3) კომენტარი თბილისის "დინამოს" მთავარმა მწვრთნელმა გია ჭიაბრიშვილმა გააკეთა."მგონია, რომ ერთი მარტივი რაღაც არის გულშემატკივრის წინაშე და მინდა, რომ ბოდიში მოვიხადო. ვფიქრობ, რომ განმეორებითი თამაში ღირსების მატჩია და როგორც დავთმეთ აქ ყველაფერი, ისე შეგვიძლია ყველაფერი უკან დავაბრუნოთ.
თუ სხვა რაღაცაზე შეიძლება ლაპარაკი, ვფიქრობ, რომ სასაუბრო არ არის, რადგან ასე არ შეიძლება... ვიღებ ამ პასუხისმგებლობას, ვხედავ ამას და განვიცდი. ასე არ უნდა გამოვიყურებოდეთ, ასე არ უნდა ვთმობდეთ თამაშს...
მეტოქემ გვაჯობა ხასიათით.
თამაშით, სიძლიერით, გუნდით ვჯობდით, მაგრამ 90 წუთის შემდეგ რაც ხდება, მთავარი ეს არის და ესაა ხასიათი.
შემდეგ თამაშამდე ახლა ძალიან რთულია, რაიმე პროგნოზი გავაკეთო. უნდა მივიდეთ იქამდე და შევხედავ... დაცვის ხაზში აქამდეც რომ იყო პრობლემები, თქვენც შორიდან ამჩნევდით და გუნდი ამის გამოსწორებაზე მუშაობს. ამას, სანამ აქ მოვიდოდი, მაშინაც ვხედავდი და ვფიქრობ, რომ გამოვასწორებთ.
მაგრამ არ მინდა თავის მართლების პოზიციაში ჩავდგე... ახლა არც დაცვას ეხება, არც მწვრთნელსა და თავდამსხმელს, ახლა იყო არაფერი ჩვენი მხრიდან, რაზეც კიდევ ერთხელ ბოდიშს ვიხდი და იქ უნდა გამოვავლინოთ ჩვენი ხასიათი. ამ დაცვითაც, ამ ნახევარდაცვითაც ჩვენ შეგვიძლია გავიდეთ მომდევნო ეტაპზე.
ეს უნდა იყოს სხვანაირი ხასიათით ნათამაშები მატჩი. როგორც ბოლო თამაშს ატარებდნენ და უკანასკნელ რაღაცას აკეთებდნენ. ყველაზე მეტად გამოსასწორებელი ფსიქოლოგიაა", - ამბობს ჭიაბრიშვილი.
![alt](/pictures/image50/d71b809e312788c64a6a59880c39124d.jpg ""ბოდიში! ახლა იყო არაფერი, ვიღეობ პასუხისმგებლობას..." - ჭიაბრიშვილი "პაიდესთან" მარცხის შემდეგ")
ქართული ფეხბურთის შავი დღე - თბილისის "დინამომაც" წააგო [VIDEO]
