შვეიცარიის ქალაქ ნიონში ფუტსალის 19-წლამდელთა ნაკრებების საკვალიფიკაციო ეტაპისა და მეინ რაუნდის წილისყრა გაიმართა. ევროპის ათი ქვეყანა პირველ საკვალიფიკაციო რაუნდში ითამაშებს, საუკეთესო შედეგის მქონდე სამი ნაკრები კი მეინ რაუნდში გადაინაცვლებს. ევროპის ჩემპიონატის შვიდი საგზურისთვის მეინ რაუნდში სულ 28 ნაკრები იბრძოლებს. საქართველოს ფუტსალის 19-წლამდელთა ნაკრები მეინ რაუნდში იასპარეზებს. ჩვენი გუნდი მეოთხე ჯგუფში ლატვიას, ბელგიას და ფინეთს დაუპირისპირდება. მატჩები 2023 წლის 21-26 მარტს ლატვიაში შედგება.
მეინ რაუნდის შვიდ საუკეთესო ნაკრებს ევროპის ჩემპიონატის მასპინძელი ხორვატია შეუერთდება. ჩემპიონობისთვის სულ რვა გუნდი იბრძოლებს. ხორვატიაში მატჩები 2023
წლის 3-10 სექტემბერს შედგება.
nakrebi.ge
ფუტსალი | ავსტრია 2:6 საქართველო
