"ურალის" პრეზიდენტმა გრეგორი ივანოვმა განაცხადა, რომ კონსტანტინ მარადიშვილის იჯარით აყვანით დაინტერესებულნი აღარ არიან. მოგეხსენებათ, რამდენიმე დღის წინ გავრცელდა ინფორმაცია, რომ მოსკოვის "ლოკომოტივის" ფეხბურთელმა ქართული პასპორტი მიიღო.
ივანოვი აღნიშნავს, რომ მათ ლეგიონერი არ აწყობთ და ამ ეტაპზე მარადიშვილის საკითხზე ყველანაირი მოლაპარაკება შეწყვეტილია, რადგან 23 წლის ფეხბურთელი უკვე ადგილობრივ მოთამაშედ აღარ ჩაითვლება.
შეგახსენებთ, რომ ახალგაზრდა ნახევარმცველმა რუსეთის პრემიერლიგის გასულ ტურში "კრილია სოვეტოვს" გოლი გაუტანა.
