"ხვიჩას ბევრი საუბარი არ უყვარს... გუნდურად უფრო გაზრდილია... სიყვარული ხელს ვერ შეგიშლის" - ნუკრი რევიშვილი

AutoSharing Option
ხვიჩა კვარაცხელიას ამბებით ქართველი გულშემატკივრები რამდენიმე წელია, აქტიურად ინტერესდებიან. როცა "კვარა" რუსეთში გამოდიოდა, საქართველოს ნაკრების ყოფილ მეკარე ნუკრი რევიშვილთან მასზე არაერთხელ გვისაუბრია. ერთ-ერთი ბოლო ინტერვიუს დროს ნუკრიმ გვითხრა, რომ ხვიჩას ამბიციურ ევროპულ კლუბში აუცილებლად ვიხილავდით და ყველაფერი ასეც მოხდა.

რევიშვილი მამუკა ჯუღელთან ერთად სამენეჯერო საქმიანობაშია ჩართული. მასთან არაერთი თემა დაგვიგროვდა და საინტერესო ინტერვიუ გამოგვივიდა. მათ შორისაა ბოლო დროის გახმაურებული ამბები - ჯუღელსა და ოსიმენს შორის არსებული დაძაბულობა თუ ის გამოხმაურება, რაც მსოფლიოს საუკეთესო ფეხბურთელების დასახელებასთან დაკავშირებით გურამ კაშიას გადაწყვეტილებას მოჰყვა.
აქვე დავაფიქსირებთ, რომ სურვილის შემთხვევაში, საქართველოს ნაკრების კაპიტანს პასუხის გაცემის საშუალება ექნება და მზად ვართ, მასთან ვრცელი ინტერვიუც დავგეგმოთ...

ჩვენი დღევანდელი რესპონდენტის საუბარი ბლოკებად დავყავით და მონოლოგის სახით გთავაზობთ.

ხვიჩა უფრო გაზრდილია...

ზედმეტი ახსნა არ სჭირდება, თუ ხვიჩა კვარაცხელიამ გასული სეზონი რა დონეზე ჩაატარა. მას ახლაც აქვს 5 გოლი, საგოლე პასები, მოპოვებული პენალტები, თუმცა, ფაქტია, ყველაფერი ძველებურად არაა, ასე ვთქვათ, ხვიჩა აღარ "დაქრის".

გამომწვევი მიზეზი რამდენიმე შეიძლება იყოს - გუნდში შეიცვალა მწვრთნელი, თანაც უკვე ორჯერ; არადა, ლუჩანო სპალეტიმ "კვარას" ზუსტი გასაღები მოუძებნა და ცდილობდა, მისთვის კომფორტული პოზიცია შეერჩია; გარდა ამისა, "ნაპოლი" ძველებურად ვერ თამაშობს და ეს მნიშვნელოვანი გარემოებაა. ამ ყველაფრის გამოძახილი შეიძლება იყოს კვარაცხელიას მომატებული გაფრთხილებებიც...

მგონია, რომ ხვიჩა გუნდურად უფრო გაზრდილია. გვახსოვს, სპალეტის ამ მიმართულებით ბევრი შენიშვნის მიცემა უწევდა. როცა კვარაცხელიას ეფექტურობაზე ვსაუბრობთ, უნდა გავითვალისწინოთ, სხვაა, როცა გუნდი ანგარიშს ხსნის და შემდეგ შემტევებს მეტი სივრცე რჩებათ და განსხვავებულია, როცა ზრუნვა გათანაბრებაზე გიწევს.

ნეაპოლელები დაცვაში ბევრ შეცდომას უშვებენ. ძველებურ ფორმაში არც ზელინსკი და ნახევარდაცვაა, რომელიც დაკარგულ ბურთს იოლად იბრუნებდა; წინა სეზონში ოსიმენი, ფაქტობრივად, ყველა საგოლე შანსს იყენებდა, რასაც მას თანაგუნდელები და ყველაზე მეტად, 77-ე ნომერი უქმნიდნენ, ახლა ასე არც ესაა...

საკუთარ თაზე მუშაობა...

დამაინც, ერთი გარდამტეხი თამაშია საჭირო, რაც "კვარას" რწმენას სრულად დაუბრუნებს და მას კიდევ უფრო კარგს ვიხილავთ. ხვიჩა საკუთარ თავზე მუდმივად მუშაობს. თუ ახლა რამდენიმე დარტყმა გაუცუდდა, ვარჯიშებზე ამას აუცილებლად დიდ ყურადღებას დაუთმობს. აღსანიშნავია, რომ საქართველოს ნაკრებში ფორვარდის პოზიციიდან მშვენიერი გოლები გაიტანა...

ხვიჩას ბევრი საუბარი არ უყვარს, ის ყველაფერს საქმით ამტკიცებს. მას ახლა არავითარი ხელშემშლელი ფაქტორი არ აქვს. ამხელა აღიარების შემდეგ მოლოდინები იზრდება და ეს ბუნებრივია... ზოგიერთი პირად ცხოვრებაში ცვლილებებზე რომ მიანიშნებს, შეუძლებელია, სიყვარულმა ხელი რამეს შეუშალოს. ის უფრო მოწადინებულია, გოლებს მეუღლეს უძღვნის...

საუბრობენ პირობებსა და სხვა გუნდში გადასვლაზეც - ფაქტია, კვარაცხელია გამორჩეული ფეხბურთელია და ყველა ვისურვებდით და კარგი იქნება, ეს მის ხელფასზე  თუ აისახება, მაგრამ დარწმუნებით შემიძლია ვთქვა, რომ ხვიჩასთვის გასამრჯელო მთავარი არაა და ეს მის სათამაშო ხარისხზე არ მოქმედებს. რაც შეეხება ტრანსფერს - აუცილებლად გამოჩნდებიან გრანდები, რომლებიც მისით დაინტერესდებიან და საკუთარ პირობებსაც წამოაყენებენ...

"მადლობას ვუხდი ზეცას, რომ შენ შეგხვდი, ნეაპოლო!" - ფოტო "ნაპოლის" "ფეისბუქგვერდიდან"

Sportall.Ge

მამუკა ჯუღელი

კვარაცხელია ახლა მსოფლიო დონის ფეხბურთელია, უფრო რთული კი აქამდე მოსვლა იყო, რაც მასთან ერთად მამუკა ჯუღელმა ბრწყინვალედ განახორციელა. ის ახლაც ბევრს გააკეთებს, ხვიჩას კარიერა იდეალურად რომ წარიმართოს. ჩვენი ფეხბურთელები, იტალიის გარდა, საფრანგეთში (დავითაშვილი), უკრაინაში (აზაროვი) და სხვა ქვეყნებშიც არიან...

რაც შეეხება ოსიმენთან დაკავშირებულ ამბავს, მიმაჩნია, მამუკას განსაკუთრებული არაფერი უთქვამს იმით, რომ შესაძლოა, ნიგერიელი ფორვარდი ისეთ ჩემპიონატში წავიდეს, სადაც ვარსკვლავები გამოდიან.

ხვიჩა და ვიქტორი მეგობრები არიან. კვარაცხელიას, არა მგონია, გაუხარდეს ის, რაც ოსიმენმა საკუთარი ოჯახის წევრსა და უახლოეს ადამიანზე თქვა. მაინც გამოვრიცხავ, ფეხბურთელებს შორის ამან ურთიერთობა დაძაბოს...

კაშიას იდეალური შანსი ჰქონდა...

ძალიან დამწყდა გული, როცა საქართველოს ნაკრების კაპიტანს ფიფას გამოკითხვაში მესამე ადგილზე გაჰყავს ფეხბურთელი, რომლის მსგავსიც, ალბათ, 50 წელია, არ გვყოლია.

გურამ კაშიას იდეალური შანსი ჰქონდა,  ქართველი ფეხბურთელის პირველობა - ამ შემთხვევაში კვარაცხელიას - ისტორიული ამბავი დაეფიქსირებინა. მნიშვნელოვანია, რომ ეს არაობიექტური არ იქნებოდა. გურამის გადაწყვეტილება აუხსნელია. ამას ჩვენი სხვა კაპიტნები არ გააკეთებდნენ, მაგალითად კალაძე, კობიაშვილი თუ კანკავა...

წელს საქართველოს ნაკრებს უმნიშვნელოვანესი მატჩები ელის და ყველა უნდა გავერთიანდეთ!.. დარწმუნებული ვარ, ლუქსემბურგს აუცილებლად ვაჯობებთ და ფინალში ვითამაშებთ. ვისურვებდი, ტოპ-გუნდებში მეტი ჩვენებური გვყავდეს - მამარდაშვილი, ჩაკვეტაძე...

სხვადასხვა

ივა გელაშვილი სერია "ბ"-ში შესანიშნავად თამაშობს და თავისუფლად შეუძლია, საქართველოს ნაკრებს გამოადგეს. ჯერჯერობით, ახალგაზრდებს ბევრი შანსი არ ეძლევათ...

"ფროზინონეში" ცდილობენ, გიორგი კვერნაძე სერია "ა"-ს მეტად შეეგუოს, ფიზიკურად გაძლიერდეს და ამის შემდეგ მეტი დრო მიეცემა. მინდა წარმატება ვუსურვო საბა გოგლიჩიძეს, რომელიც "ემპოლიში" ლევან მჭედლიძის დახმარებით მოხვდა...

როგორც იცით, მამუკა ჯუღელის დიდი სურვილია, სამეგრელოში მეტი საფეხბურთო აკადემია და კლუბი არსებობდეს. კარგია, რომ ფოთის "კოლხეთი" ეროვნულ ლიგას დაუბრუნდა. გირჩევთ, დააკვირდეთ - "კოლხეთში" "გაგრადან" ახალგაზრდა ნახევარმცველი, 19 წლის საბა ზოიძე გადავიდა, სწრაფია, მებრძოლია, "საბურთალოს" შესანიშნავი გოლი გაუტანა... ლადო ჩიხლაძე, რომელიც "სამგურალიდან" გვახსოვს, ასევე ფოთში ითამაშებს.

საინტერესო ჩემპიონატის იმედი მაქვს!..

alt"რატომ არ წავიდა ხვიჩა "ტორინოსა" და "სასუოლოში"?!" - ნუკრი რევიშვილი

altნუკრი რევიშვილი: ქართველი ფეხბურთელები რუსებზე ნიჭიერები არიან

altსოლიდური კონკურენტი ლორიასა და მამარდაშვილს - რევიშვილის სასწაული სეივი [VIDEO]

მკითხველის კომენტარები / 136 /
ტიპი კაშიას აკრიტიკებს და ჯუღელზე ამბობს ისეთი არაფერი უთქვამსო.. მაგარია ორმაგი სტანდარტი არა?? ((
Jora
22 იანვარი 2024 18:18
15
რა იყო sportall, იმნაირები გახდით? თუ რატო შეე...ით კაშიას? აგერ ფიფია აპირებს კონტროლკა ესროლოს ქართულ ფეხბურთს და დინამოს ბაზაზე კორპუსები ჩადგას, ესენი კიდე კაშია კაშიაო. ასე თუ გაგრძელდა 10 წელიწადში არც კაშიები იქნებიან, მითუმეტეს არც კვარაცხელიები
ლადო
22 იანვარი 2024 18:49
5
სპორტულად, ობიექტურად, ქართულად და კაცურად მაგრად შეცდა რევიშვილი. არ ეკუთვნის ხვიჩას სამეული და მაგარი უჯიგრეს რო გამოაჩინეს მესამეზე. ეგ მესამეობაც ტეხავს ცოტა არ იყოს და საღოკ კაშიას რო თავისი ობიექტურობა სწორედ თავისიანს დაუთმო. ჯუღელი ხო სახსენებელიც არაა.
ვანდა ჯიქია
22 იანვარი 2024 19:17
20
ეს ნაცები როგორი ბოღმის ბუკეტები ხართ.მიხუილოს მიხედეთ ნაცებმა
ვანდა ჯიქია-ს
22 იანვარი 2024 19:50
21
ამასწინებზე დავწერე ყველამ რომ თავისი ქვეყნის წარმომადგენელი ჩაწეროს პირველ ადგილას მოიგებს ვინმე?ან იყო ხვიჩა ღირსი პირველი ადგილის?ობიექტურობის გრძნობა საერთოდ არ გაგაჩნიათ?ყველამ ერთად უძახოთ ხვიჩას მეფე ხარ,მესის და რონალდოს ჯობიხარ,შენნაირი არ დაბადებულა და ა.შ.რას მივიღებთ მერე ერთ გაყოყოჩებულ ფეხბურთელს,კიდევ კაი ჯერჯერობით თავი კარგად უჭირავს,მეორე კიდევ 50 წელში თურმე ერთხელ იბადებაო საქართველოში მზგავსი ფეხბურთელიო ქინქლაძე ნაკლები იყო?თუ მეტი არა,არ არის საჭირო ნამეტანი ქება.
ხასანა ძია
22 იანვარი 2024 11:06
5
ზოგადად მგონია რომ საკუთარ თანაგუნდელს ხმას არ უნდა აძლევდეს არავინ
sul2
22 იანვარი 2024 19:11
0
Სამართლიანი გადაწყვეტილებაა თან მესამე ადგილი ავანსად წახალისებაა. ვინც იძახით რატო პირველზე არაო მაგიტომაც არ გვაქვს 35 წელია თავისუფალი სასამართლო. Აზიურ ლაქუცს ევროპული სამართალი ჯობია .
xirxala
22 იანვარი 2024 17:20
17
ხო კიდე.
ტოპ გუნდში მეტი ჩვენებურიო რო ამბობს.
ვინმე გვყავს საერთოდ და გამომრჩა?
თუ ნაპოლის ეძახის ტოპ გუნდს?
რახან სერია ა მოიგო ერთხელ?
მასე ლესტერიც ტოპ გუნდი გამოდის?

ტოპ გუნდს პირველი მამარდაშვილი დადებს.
აგერ თქვენ და აგერ ზაფხულის სატრანსფერო ფანჯარაც.
იმედია ხვიჩაც დადება, მარა რთული პერაგოვორები იქნება და არ მგონია ბევრი პრედლაჟენიაც იყოს.
ვალენშტაინი
22 იანვარი 2024 10:26
37
არ ვიცი რატომ იცავთ ასე თავგამოდებით კაშიას ან რომელ ობიექტურობაზე საუბრობთ? ისიც ვერ გაუგია ზოგს, რომ აქ საუბარი იყო მხოლოდ 2023 წლის საუკეთესოზე და არა ზოგადად საუკეთესოზე. 2023 წელს კი მესის ძალიან ბევრი სჯობდა. მათ შორის ხო კვარაც. სტატისტიკა ასეთია. ამერიკაში გადასვლის შემდეგ მხოლოდ 6 თამაში და ერთი გოლი აქვს. რომელ საუკეთესოობაზე და ობიექტურობაზე საუბრობთ. მბაპე, დებრუინი, ბელინგემი, ჰალანდი, ლაუტარო მარტინესი, ოსიმენი და კიდევ ძალიან ბევრია ვინც ობიექტურად შეიძლებოდა პირველ სამეულში დასახელებულიყო. რომელს სჯობდა 2023 წელს მესი? მითუმეტეს როდესაც ხარ კაპიტანი და შენი თანაგუნდელი შეგიძლია დაასახელო, რომელიც სერია ა-ს საუკეთესო გახდა მაგ წელს, მხარი უნდა დაუჭირო. ეს არამტო მისი მცარდაჭერაა, არამედ შენი ქვეყნისაც. იმ ქვეყნის, რომლის ნაკრების კაპიტანიც ხარ. ჯერ ერთი კარგი ჯესტი იქნებოდა კაპიტნისაგან. მერე მეორე გულიც ეგრე უნდა აძგერებოდა. ხოლო ობიექტურად თუ სურდათ მანდ მესი 20ეულშიც არ უნდა მომხდარიყო. ისევე როგორც კრიშტიანუ ვერ მოხვდა, რომელსაც 19 თამაშში 20 გოლი და 9 საგოლე პასი აქვს ნახევარ სეზონში. მაგრამ ობიექტურად თუ ვიმსჯელებთ, ხო მართალია 20ეულშიც რომ არ მოხვდა. რომ დაესახელებინა ვთქვათ ხვიჩა ვინ რას მოსთხოვდა? ან ვინმე იტყოდა რომ სერია ა-ს საუკეთესო ფეხბურთელი რატომ დაასახელეო? რახმანიმ რომ დაასახელა რა დაკნინდა მაგით? თუ ობიექტურობაზე საუბრობთ პირველ რიგში მესი არ უნდა ყოფილიყო იმ სამეულში და თუ სურვილებისამებრ მაშინ პირველ რიგში შენი გუნდის წევრისადმი უნდა გაგიჩნდეს სურვილი. კიდევ ერთხელ ვიმეორებ ეს იყო მხოლოდ 2023 წლის საუკეთესოს დასახელება სადაც სტატისტიკით, მბაპეს, ჰალანდს, დებრუინს, ოსიმენს, ლაუტაროს ბევრად უკეთესი შედეგები ჰქონდათ.
სიმართლე უნდა ითქვას
23 იანვარი 2024 02:10
16
წაკითხულის გააზრებაში აშკარად პრობლემა გაქვთ. აქ ერთი კონკრეტული წლის შეფასება იყო და არა ზოგადად როგორც ფეხბურთელის და მისი მთელი კარიერის. იძახე ვახ. გადახედე სტატისტიკას და ნახავ რომ 2023 წელს მესის მბაპემაც აჯობა, ჰალანდმაც, ოსიმენმაც და კიდევ ბევრმა.
სიმართლე უნდა ითქვას
23 იანვარი 2024 19:26
0
კვარა მესის ჯობიაო))))დდ.ვახ რაა
თემო
23 იანვარი 2024 09:29
7
ნუკრი შენი აზრით სპორტი და პოლიტიკა უნდა გავმიჯნოთ ხო და რუსები ევროტურნირებზე უნდა დაუშვან ხო?
David
22 იანვარი 2024 22:20
5
ისევ თავიდან იწყება?ნუ იტყუებით და ნუ აბნევთ ადამიანებს ვინც საქმეში ჩახედული არ არის! რისი შანსი ქონდა კაშიას? პირველი ადგილიც რომ დაეწარა კვარასათვის, ეს კვარასათვის არაფერს ცვლიდა რეეალურად, ქულების ჯამით მაინც ვერ შევიდოდა ვერც ხუთეულში და ვერც სამეულში , თქვენ კი ისე გამოგყავთ თითქოს ლამისაა პირველი ადგილი დააკარგვინა კაშიამ კვარას! იმაზე არაა ლაპარაკი, უნდა დაეწარა თუ არ უნდა დაეწერა. აქ ლაპარაკია იმ მავნებელ და არაჯანსაღ აჟიოტაჟზე, რომელიც აქ ატყდა, შეგახსენებთ საკმაოდ მალე ნაკრების თამაშებია, რატომ ძაბავთ სიტუაციას ფეხბურთელებს შორის?თუ ახალი კაპიტნის არჩავაზე ან კაშიას ნაცვლად სხვის დაყენებაზე ცენტრალურ მცველად მიდგა საქმე ეს მშვიდ ატმოსფეროში გუნდის შიგნით უნდა გადაწყდეს და არა გარედან ადამიანის ბულინგით,ზედ გადავლით და სიძულვილის თესვით. რამდენიმე დღეა ეს გაუგებარი კამპანია მიმდინარეობს - კაშიაა ჩვენი ფეხბურთის მთავარი პრობლემა? ამის მეათედი არ დაწრილა არც ფედერაციის უნიათობაზე, არც მწვრთნელუს არაკომპეტენტურობაზე არც ჩვენი კლუბების სავალალო მდგომარეობის მიზეზებზე და ამაში ზოგიერთების პერსონალურ პასუხუსმგებლიბაზე. რა საჭიროა ეს ახლა?
არტ
22 იანვარი 2024 10:44
4
გადავიკითხე კომენტარები და ერთი დასკვნა გამიჩნდა- კომენტატორების ნაწილი, რომელსაც თავდაუზოგავად იძახის "პირველ ადილზე უნდა დაესახელებინა" ნამდვილად იმასაც ამბობენ რომ საქართველოში ეკონომიკური ბუმის და ოქროს ხანა დაგვიდგა, თანაც რუსი ტურისტების დიდი მოყვარულები არიან.
მოკლედ -უნდა წავიდეს კაშია? კი ბატონო,წავა, მაგრამ ამით რა? კვარაცხელია მესიზე უკეთესი ფეხბურთელი გახდება?
Walter White
23 იანვარი 2024 02:55
21
უკაცრავად მაგრამ, კარგად ვერც კომენტარები გადაგიკითხავთ და ვერც ის, თუ რა დაჯილდოვება იყო. თუ ობიექტურად შეფასებაზე გაქვთ საუბარი, მესი სამეულში საერთოდ არაფერ შუაში იყო და თუ სურვილისამებრ, ისეთ კაპიტანს რა ვუთხარი საკუთარი თანაგუნდელი და თანამემამულე რომ არ ემეტება. მისი ხმით არაფერი შეიცვლებოდა. მესი მაინც აიღებდა და კვარაც ალბათ იქ გავიდოდა სადაც გავიდა. აქ დამოკიდებულებაზეა საუბარი. კაპიტნობა უდიდესი პასუხისმგებლობაა და კაპიტანიც რომ არ იყო შენი თანამემამულე რომელიც 2023 წლის სეზონში იტალიელებმა აღიარეს საუკეთესოდ და ოფიციალურად დააჯილდოვეს, იმსახურებს გვერდით დგომას. ჟესტი იქნებოდა თავად კარგი. თორე ობიექტურად მოდი ვისაუბროთ სტატისტიკით ვინ იყო ღირსი და ვინ არა. ობიექტურად თუ შევაფასებთ მესი ათეულს მოღმაა 2023 წელს. მსოფლიო 2022-ში მოიგო და აქ კავშირში არაა და ტყუილად ნუ დაასახელებთ. ეს რუსი ტურისტები კიდევ როგორ ყველგან უნდა ჩააკვეხოთ. რა შუაში იყო აქ? ბელონგემზე, მბაპეზე, ჰალანდზე, დებრუინზე მეტი გააკეთა მესიმ 2023 წელს? დამისახელე რა კომპონენტში სჯობდა კონკრეტულად 2023 წელს. აქ იმაზე არაა საუბარი ზოგადად რომ უდიდესია მესი. აქ კონკრეტული წლის შეჯამება იყო. ჰალანდმა და დებრუინმა ყველაფერი მოიგეს საკლუბო, გოლებით დრიბლინგით პასებით და შედეგიანი მოქმედებებით სხვა ბევრმა ფეხბურთელმა გადაასწრო მაგ წელს. ამერიკაში გადასვლის შემდეგ საერთოდაც აღარ თამაშობს თითქმის და რა პრინციპით იყო საუკეთესო მესი დამისახელე.
სიმართლე უნდა ითქვას
23 იანვარი 2024 08:47
8

ასევე დაგაინტერესებთ
სიახლეები პოპულარული