მადრიდის "რეალი" ჯუდ ბელინგემის კანდიდატურას სერიოზულად განიხილავს, ამის შესახებ ინფორმაციას Marca ავრცელებს. კაზემიროს წასვლის შემდეგ, "ბლანკოსი" ბრაზილიელის შემცვლელად სწორედ ინგლისელს განიხილავს, ფლორენტინო პერესი "დორტმუნდის" ახალგაზრდა ნახევარმცველის დამატებისთვის მომავალ ზაფხულს იბრძოლებს. მემფის დეპაი "ბარსელონას" ემშვიდობება, El Chiringuito-ს ცნობით, ჰოლანდიელი თანაგუნდელებს უკვე დაემშვიდობა. დიდი ალბათობით, შემტევი კარიერას "იუვენტუსში" გააგრძელებს. დეპაი "ბებერ ქალბატონებს" თავისუფალი აგენტის სტატუსით შეუერთდება. ნემფისმა "ბარსას" მაისურით 28 შეხვედრა ჩაატარა და 12 გოლის გატანა შეძლო.
"ტოტენჰემის" განაპირა მცველი სერხიო რეგილონი, შესაძლოა "ნოტინგემ ფორესტში" აღმოჩნდე, Daily Mail-ის ინფორმაციით, ესპანელი მოთამაშე ანტონიო
"ვოტფორდის" შემტევი ისმაილა სარი კარიერას "ასტონ ვილაში" გააგრძელებს, ამის შესახებ ინფორმაციას ფაბრიციო რომანო ავრცელებს. "ვოტფორდი" სენეგალელის სანაცვლოდ 25 მილიონ ევროს მიიღებს. ტრანსფერი რამდენიმე დღეში გაოფიციალურდება. სარი "ვოტფორდის" ღირსებას 2019 წლიდან იცავს და კლუბის ერთ-ერთი გამორჩეული მოთამაშეა.
საფეხბურთო ექსპერტი პედრო ალმეიდა ირწმუნება, რომ მას შემდეგ, რაც "მანჩესტერ იუნაიტედმა" "რეალიდან" კაზემირო დაიმატა, კრიშტიანო რონალდო მზადაა გუნდში დარჩეს და "ოლდ ტრაფორდზე" კიდევ 1 სეზონი გაატაროს. შეგახსენებთ, უკანასკნელად პორტუგალიელის შესახებ დაინტერესებას "დორტმუნდს" მიაწერდნენ, თუმცა "ყვითლების" დირექტორმა ჰანს იოჰან ვაცკემ აღნიშნული ინფორმაცია უარყო.
სილვიო ბერლუსკონის "მონცას" 2016 წლის ევროპის ჩემპიონის, ვილიამ კარვალიოს დამატება სურს. ეკრემ კონურის ცნობით, "ბეტისი" და "მონცა" მოთამაშის თაობაზე მოლაპარაკებას აწარმოებენ, პორტუგალიელი მზადაა კარიერა იტალიის სერია A-ში გააგრძელოს.
ბრიტანული გამოცემა The Guardian-ის ინფორმაციით, მიუხედავად გავრცელებული ჭორებისა, "იუნაიტედის" კაპიტანი ჰარი მაგუაიერი არ იყიდება. ვრცელდებოდა ინფორმაცია, რომ ინგლისელის შეძენა ლონდონის "ჩელსის" სურდა. თუმცა "წითელი" ეშმაკები მოთამაშის გასხვისებას არ გეგმავენ.
მომზადებულია Marca-ს მიხედვით
