17 აპრილს, ჩემპიონთა ლიგის განმეორებით 1/4-ფინალურ მატჩში "ლივერპულმა" "პორტუს" სძლია - 4:1 და ნახევარფინალში "ბარსელონას" შეხვდება.
მასპინძლებმა თავიდანვე დიდი ძალებით შეუტიეს, 13-ჯერ დარტყეს კარისკენ (4-ჯერ კარში), მიზანს კი ვერ უწიეს. სამაგიეროდ, სტუმრებმა პირველივე დარტყმით დალაშქრეს იკერ კასილიასის კარი. მოჰამედ სალაჰის პასით გოლი სადიო მანემ გაიტანა. მსაჯმა დანი მიკელიმ, ლაინსმენ მარიო დიქსის გადაწყვეტილებით, თავიდან გოლი არ ჩათვალა, მაგრამ ვიდეოგამეორების ნახვის შემდეგ გადაწყვეტილება შეცვალა.
ორი შეხვედრის ჯამში მერსისაიდული გუნდი 3:0 დაწინაურდა და ამ წყვილში გამარჯვებულიც გაირკვა.
მეორე ტაიმში სალაჰმა, ფირმინომ და ვან დეიკმა დაამწუხრეს კასილიასი, მილიტაომ კი პრესტიჟის გოლი გაიტანა.
მანემ, სალაჰმა და ფირმინომ ჩემპიონთა ლიგაზე 14-14 გოლი გაიტანეს, იან რაშს დაეწივნენ და "ლივერპულიდან" ჩემპიონთა ლიგაზე მათზე შედეგიანი მხოლოდ სტივენ ჯერარდია - 21 გოლი.
პორტუ. "დრაგაო". 49 117 მაყურებელი
პორტუ - ლივერპული 1:4
გოლები: 0:1 მანე (26), 0:2 სალაჰი (65), 1:2 მილიტაო (69), 1:3 ფირმინო (77), 1:4 ვან დეიკი (84)
პორტუ: კასილიასი, პეპე, ედერი, მილიტაო, ფელიპე, კორონა (ფერნანდო 77), დანილუ პერეირა, მარეგა, ოტავიო (ტიგუინიო 46), ბრაიმი (ბრუნუ კოშტა 81), ერერა
ლივერპული: ალისონი, მატიპი, რობერტსონი (ჰენდერსონი 71), ალეკსანდერ-არნოლდი (გომესი 66), ვან დეიკი, მილნერი, ფაბინიო, ვეინალდუმი, მანე, სალაჰი, ორიგი (ფირმინო 46)
![alt](/pictures/image50/b84c41cf037543a1f6acf5680474a3a1.jpg "ჩემპიონთა ლიგა. 1/4 ფინალი: "ლივერპულმა" პორტუს" ისევ მოუგო და "ბარსელონას" შეხვდება [VIDEO]")
იურგენ კლოპი: "ბარსელონას" პირველად დავუპირისპირდები, მოუთმენლად ველოდები მომავალ მატჩებს
![ევროპა ლიგა. 1/4-ფინალი: "ატალანტამ" "ლივერპული" გამოაგდო, "რომამ" მილანი" - "ბაიერი" და "მარსელიც" გავიდნენ [VIDEO]](/pictures/image7/15f2a4560209ca612ad928d55522900c.jpg "ევროპა ლიგა. 1/4-ფინალი: \"ატალანტამ\" \"ლივერპული\" გამოაგდო, \"რომამ\" მილანი\" - \"ბაიერი\" და \"მარსელიც\" გავიდნენ [VIDEO]")
![ევროპა ლიგა. 1/4-ფინალი: შოკირებული "ენფილდი", "ბაიერის" მორიგი გამარჯვება და "რომას" მიერ ძლეული "მილანი" [VIDEO]](/pictures/image7/9d0bb1fd87cdcd129cf6b08e80b4b6e0.jpg "ევროპა ლიგა. 1/4-ფინალი: შოკირებული \"ენფილდი\", \"ბაიერის\" მორიგი გამარჯვება და \"რომას\" მიერ ძლეული \"მილანი\" [VIDEO]")
