ქართველი რონალდოს წინააღმდეგ? დღეს ჩემპიონთა ლიგის მესამე ტური დასრულდება

დღეს, 4 ნოემბერს, ჩემპიონთა ლიგის მე-3 ტურის მატჩები დასრულდება.

გუშინ გამართულ 8 თამაშში 35 გოლი გავიდა, რაც თითო მატჩში საშუალოდ 4 გოლზე მეტია.

დღეს საქართველოს ნაკრების წევრი ლაშა დვალი "იუვენტუსს" დაუპირისპირდება.

გუშინ ასევე ქართველმა ითამაშა, კერძოდ, დავით ხოჭოლავამ, რომლის გუნდმაც "გლადბახთან" მოულოდნელად 0:6 დათმო.

უკრაინის მოქალაქეობის მქონე წიტაიშვილი "ბარსელონას" წინააღმდეგ დღეს არ ითამაშებს.

"ზენიტი" - "ლაციო"

"ლაციო" 4 ქულით პირველ ადგილს იკავებს, ხოლო რუსულ კლუბს ჯერჯერობით ქულა არ მოუპოვებია და ბოლო, მე-4 ადგილზე იმყოფება.

დღევანდელ მატჩში "ზენიტს" აზმუნი, დრიუსი, მალკომი და მუსაევი გამოაკლდება.

რაც შეეხება "ლაციოს", მათ კიდევ უფრო დიდი დანაკლისი აქვთ. რომაურ კლუბს ალბერტო, ანდერსონი, ესკალანდე, ვავრო, იმობილე, ლაცარი, ლუკას ლეივა, პროტო, რადუ და სტრაკოშა დააკლდება.

მატჩი თბილისის დროით 21:55 საათზე დაიწყება.

"ბაშაქშეჰირი" - "მანჩესტერ იუნაიტედი"

"იუნაიტედი" ლიგაზე კარგად ასპარეზობს, გატანილ და გაშვებულ ბურთებს შორის სხვაობა 6-ია, რასაც ვერ ვიტყვით თურქებზე. ისინი 0 ქულით ბოლო პოზიციაზე იმყოფებიან.

"ბაშაქშეჰირს" აზუბუიკე, კაისარა და ჩადლი დააკლდება. ასევე საეჭვოა კრიველის, ტექდემირისა და უჩარის თამაშიც.

"მანჩესტერს" ბაილი, ლინგარდი, ტელესი და ჯოუნსი გამოაკლდება.

მატჩი თბილისის დროით 21:55 საათზე დაიწყება.

"ბარსელონა" - "დინამო კიევი"

კატალონიურმა კლუბმა გასულ ტურში "იუვენტუსი" დაამარცხა და ჯგუფში ერთპიროვნულად გალიდერდა. რაც შეეხება კიევურ კლუბს, მათ 1 ქულა აქვთ ჯერჯერობით აქტივში.

"ბარსელონას" არაუხო, კოუტინიო, ტერ შტეგენი და უმტიტი დააკლდება.

ხოლო "დინამო კიევს" ერთდროულად 14 მოთამაშე გამოაკლდება.