[PREVIEW] "იუვენტუსი" ესპანეთში დანაკლისით ჩადის - ჩემპიონთა ლიგა ბრუნდება

AutoSharing Option
ხვალ, თბილისის დროით 00:00 საათზე, ჩემპიონთა ლიგის 1/8-ფინალური 2 შეხვედრა გაიმართება.

ლონდონის "ჩელსი" "ლილს" მასპინძლობს.

"არისტოკრატები" კარგ ფორმაში იმყოფება, ამ შეხვედრას კი 5-მატჩიანი მოგებათა სერიით ხვდება, რასაც ვერ ვიტყვით ლიგა 1-ის მოქმედ ჩემპიონებზე - ფრანგებმა ბოლო 5 შეხვედრაში 2 მატჩი მოიგეს, 1 ფრედ დაასრულეს, 2-იც წააგეს.

დღეს "ლურჯებს" ბენ ჩილველი და კალუმ ჰუდსონ-ოდოი გამოაკლდება; კითხვის ნიშნის ქვეშაა სესარ ასპილიკუეტას, რის ჯეიმსისა და მეისონ მაუნტის თამაშიც.

სტუმრები, ფაქტობრივად, ოპტიმალური შემადგენლობით იასპარეზებენ. ერთადერთი კითხვის ნიშნის ქვეშაა ისააკ ლიჰაჯისა და რენატო სანჩესის გამოსვლა.

Sportall.Ge

"ვილიარეალი" ტურინის "იუვენტუსს" მასპინძლობს.

"წყალქვეშა ნავებმა" ბოლო 4 მატჩიდან 3-ში გამარჯვება იზეიმა, მადრიდის "რეალთან" კი ფრედ ითამაშა. საპასუხოდ, "ბიანკონერი" 7 შეხვედრაა დაუმარცხებელია.

ესპანელებს დღეს ხერარდ მორენო და რუბენ პენა გამოაკლდებათ. "ბებერ ქალბატონს" ფედერიკო კიეზა, ლუკა პელეგრინი და დანიელე რუგანი არ ეყოლება; კითხვის ნიშნის ქვეშაა პაულო დიბალას, ფედერიკო ბერნარდესკის, ლეონარდო ბონუჩისა და ჯორჯო კიელინის თამაში.
მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული