გარეთ ბეილს კარიერაში უამრავი ლამაზი და ეფექტური გოლი აქვს გატანილი. მან ჩემპიონთა ლიგის ფინალში 3-ჯერ დალაშქრა მეტოქის კარი, აზანზარებდა პრემიერლიგის მეკარეებს და შთამბეჭდავი გოლები გაჰქონდა ლა ლიგაში. თუმცა ყველაზე თუ არა, ერთ-ერთი ყველაზე ცნობილი გოლი კატალონიის "ბარსელონას" 2014 წლის 16 აპრილს, კოპა დელ რეის ფინალში გაუტანა.
მატჩის დასრულებამდე 5 წუთით ადრე ფაბიო კოენტრაომ ბეილს ფლანგზე ბურთი გადააწოდა. გარეთმა ბარტრა უშანსოდ ჩამოიტოვა და პინტოსთან ერთი-ერთზე აღმოჩნდა. ნახევარმცველს ასეთი გარბენის შემდეგ აღარ გაუჭირდა კარის დალაშქვრა და "რეალს" თასი მოაგებინა.
სირბილის სისწრაფე 34.7 კმ/სთ იყო, თანაც არ დაგავიწყდეთ, ეს მაჩვენებელი მატჩის 85 წუთზე დააფიქსირა.
ერთი თვის შემდეგ მისმა თავურმა დარტყმამ "რეალს" უკვე ჩემპიონთა ლიგა და თანაც მე-10-ედ მოაგებინა.
ბეილისთვის ეს ტრიუმფი იყო, ხოლო ბარტრასთვის - კრახი და ტრაგედია.
"15 წუთში გმირიდან მძ*ნერი გავხდი, - აღიარა მცველმა 2020 წელს იკერ კასილასთან ინტერვიუში. - მაგ თამაშში გავიტანე კიდეც და ვფიქრობდი, რომ ჩემი ცხოვრების ერთ-ერთ საუკეთესო მატჩს ვატარებდი. გარეთისგან ასეთის მიღება ურთულესი აღმოჩნდა, ვერანაირად ვერ ვეწეოდი.
მითხრეს, რომ თამაშს დელ ბოსკეც ესწრებოდა - ეს სერიოზული დარტყმა იყო. მას შემდეგ, რაც ბეილმა მე გამიკეთა, მივხვდი, რომ ნაკრების კარიერას დავემშვიდობე", - განაცხადა ბარტრამ. თუმცა მსოფლიოს ჩემპიონატზე ნამდვილად ვერ გაემგზავრა.
...და თანაც არ ბეილი კაშკაშებს დღეს-დღეობით!