AS-ის ინფორმაციით, "რეალს" "რივერ პლეიტიდან" 16 წლის შემტევის, ფრანკო მასტანტუონოს შეძენა სურს და მზადაა, 25 მილიონი ევრო გაიღოს. ახალგაზრდა ამომავალი ვარსკვლავის გამოსასყიდ თანხად 45 მილიონი ევრო სახელდება.
თუ გარიგება შედგება, მადრიდელები ფეხბურთელს 1-წლიანი იჯარით კვლავ არგენტინულ კლუბში დატოვებენ და შემდეგ საკუთარ რიგებში იახლებენ.
გასულ სეზონში მასტანტუონომ "რივერის" ფორმა 21 შეხვედრაში მოირგო, სადაც 3 გოლი გაიტანა და 1 შედეგიანი გადაცემა გააკეთა.
