19 ნოემბერს "დეილი მეილმა" გვაუწყა, რომ რუსეთის ნაკრებს ევრო 2020-ზე შეიძლება პეტერბურგში მატჩების ჩატარების ნება არ დართონ; ახლა კი The Times-ი ავრცელებს ინფორმაცის, რომ არაა გამორიცხული, ტურნირზე საერთოდ არ დაუშვან.
მსოფლიოს ანტისადოპინგო სააგენტომ (WADA) რეკომენდაცია გასცა, უახლოესი 4 წლის მანძილზე რუსეთს ყველა საერთაშორისო ტურნირზე მონაწილეობა აუკრძალონ.
გამოცემის მტკიცებით, შესაძლოა, რუსეთის ნაკრებს 2020 წლის ევროპირველობასა და 2022 წლის მსოფლიოს ჩემპიონატზე ასპარეზობის უფლება არ მისცენ.
WADA-ს ანგარიში ბრიტანელმა ადვოკატმა ჯონათან ტეილორმა შეადგინა, რომელიც გვამცნობს, რომ კოლეგია რამდენიმე წელია სწავლობს რუსეთის მიერ ანტისადოპინგო
გლობალური წესების დარღვევას.
ანგარიშიდან დადგინდა, რომ რუსები განზრახ მანიპულირებდნენ ანალიზთა ბაზის მონაცემთა შედეგებით, რომლებიც WADA-ს გადაეცა, რათა მათი სპორტსმენების წარუმატებელი ანალიზები დაემალათ.
მოხსენებაში აგრეთვე იტყობინებიან, რომ აუცილებელია რუს ჩინოვნიკებს აეკრძალოთ სპორტულ ღონისძიებებზე დასწრება და რუსეთს აეკრძალოს ნებისმიერი ტურნირის მასპინძლობა.
ანგარიშიდან დადგინდა, რომ რუსები განზრახ მანიპულირებდნენ ანალიზთა ბაზის მონაცემთა შედეგებით, რომლებიც WADA-ს გადაეცა, რათა მათი სპორტსმენების წარუმატებელი ანალიზები დაემალათ.
მოხსენებაში აგრეთვე იტყობინებიან, რომ აუცილებელია რუს ჩინოვნიკებს აეკრძალოთ სპორტულ ღონისძიებებზე დასწრება და რუსეთს აეკრძალოს ნებისმიერი ტურნირის მასპინძლობა.
აღნიშნული საკითხი 9 დეკემბერს, WADA-ს აღმასკომზე განიხილება და საბოლოო გადაწყვეტილებასაც მიიღებენ.
The Telegraph: რუსეთის ნაცვლად ევრო 2020-ზე შოტლანდია იასპარეზებს?
Daily Mail: რუსეთს შეიძლება ოლიმპიადაზე მონაწილეობა და ევრო 2020-ზე სახლში თამაში აუკრძალონ
გრიგორი როდჩენკოვი: პუტინმა ყველაფერი იცოდა დოპინგზე
