ჟურნალისტ ფლორიან პლეტენებერგის ინფორმაციით, 35 წლის გერმანელ მცველ მატს ჰუმელსს, რომელიც ახლა თავისუფალი აგენტია, მსურველები ინგლისის პრემიერ ლიგიდან და ესპანეთის ლა ლიგიდან ჰყავს. ვეტერანი ფეხბურთელის სამსახურით "ბრაიტონი" და "მალიორკა" ინტერესდებიან და ფეხბურთელის წარმომადგენლებთან მოლაპარაკებასაც აწარმოებენ.
შეგახსენებთ, რომ ჰუმელსმა "ბორუსია" ამ ზაფხულს დატოვა და ახალ გუნდს ეძებს. გასულ სეზონში მან "დორტმუნდის" ფორმა ჯამში 40 შეხვედრაში მოირგო, სადაც 4 გოლი გაიტანა და 1 შედეგიანი გადაცემა გააკეთა.
