ჟურნალისტ ფლორიან პლეტენბერგის ინფორმაციით, "კიოლნის" 21 წლის გერმანელი მეკარე იონას ურბიგი კარიერას მიუნხენის "ბაიერნში" განაგრძობს. "რეკორდმაისტერმა" ახალგაზრდა კიპერთან პირადი კონტრაქტის დეტალები უკვე შეათანხმა და ახლა "თხებს" სატრანსფერო თანხაზე უნდა გაურიგდეს, რაც დიდი ალბათობით, პრობლემა არ იქნება.
ურბიგის ღირებულებად დაახლოებით 8 მილიონი ევრო სახელდება. ის გერმანიის ახალგაზრდული ნაკრების მეკარე გახლავთ. მას "კიოლნის" გარდა კარიერის განმავლობაში "რეგენსბურგსა" და "ფიურტშიც" უთამაშია. მიმდინარე სეზონში ის მოედანზე 11 მატჩში გამოჩნდა და 22 გოლი გაუშვა.
