"მანჩესტერ სიტის" მთავარმა მწვრთნელმა პეპ გვარდიოლამ მიმდინარე სეზონში ოთხი ტიტულის მოგების შანსები შეაფასა.
"თუ ფანები ამაზე ოცნებობენ, ეს მათი ნებაა. მე ამაზე ვერ ვისაუბრებ, ვინაიდან ჩემი სამწვრთნელო გამოცდილება მკარნახობს: თუ ყურადღებას მოადუნებ, პრობლემები შეგექმნება.
რატომ უნდა ვიფიქრო ოთხი ტიტულის მოგებაზე, თუ ამ ქვეყანაში ეს აქამდე არასდროს მომხდარა?
1980-იანი წლების "ლივერპული", ჟოზე მოურინიოს "ჩელსი", არსენ ვენგერის "არსენალი" - ასეთ ლეგენდარულ გუნდებსაც კი ეს არ გაუკეთებიათ.
რატომ უნდა მოვიგოთ ოთხივე ტიტული ჩვენ? ალექს ფერგიუსონის "იუნაიტედმაც" კი, რომელმაც 1998-99 წლების სეზონში სამი ტურნირი
მოიგო, ვერ გაიმარჯვა მეოთხეში, მიუხედავად იმისა, რომ სამის მოგებაც ძალიან რთულია. ინგლისურმა კლუბმა ერთ სეზონზე სამ ტურნირში მხოლოდ ერთხელ გაიმარჯვა.
ჩვენი შემდეგი მეტოქე "კარდიფია", მატჩიდან მატჩამდე უნდა ვიმოძრაოთ", - განაცხადა გვარდიოლამ.
შეგახსენებთ, რომ მიმდინარე სეზონში "სიტიმ" ლიგის თასი მოიგო. ინგლისის თასის ნახევარფინალში "ბრაიტონს", ჩემპიონთა ლიგის 1/4-ფინალში კი - "ტოტენჰემს" შეხვდება.
პრემიერლიგაში გვარდიოლას გუნდი "ლივერპულს" 2 ქულით ჩამორჩება, თუმცა ერთი მატჩით ნაკლები აქვს ჩატარებული.
მომზადებულია The Guardian-ის მიხედვით
"მანჩესტერ სიტიმ" "ფულჰემი" დაამარცხა და პირველი ადგილი დაიბრუნა [VIDEO]
სერხიო აგუერომ "მანჩესტერ სიტი" ნახევარფინალში თამაშგარედან გატანილი გოლით გაიყვანა [VIDEO]
კევინ დე ბრიუნე: თუ "მანჩესტერ სიტი" ოთხივე ტურნირს მოიგებს, მსოფლიოს საუკეთესო გუნდი გახდება
"ფრანს ფუტბოლმა" ყველაზე მაღალანაზღაურებადი მწვრთნელები დაასახელა
![ჩემპიონთა ლიგა. 1/4-ფინალი: დიდი მატჩები - "რეალმა" "სიტის", ხოლო "ბაიერნმა" "არსენალს" სძლია [VIDEO]](/pictures/image7/515b8298bc3e954e19bbd6aeee36feff.jpg "ჩემპიონთა ლიგა. 1/4-ფინალი: დიდი მატჩები - \"რეალმა\" \"სიტის\", ხოლო \"ბაიერნმა\" \"არსენალს\" სძლია [VIDEO]")
