23 იანვარს, პრემიერლიგის 24-ე ტურში "ლივერპულმა" გასვლაზე 2:1 დაამარცხა "ვულვერჰემპტონი".
"ლივერპული" 67 ქულით ლიდერია, მეორეადგილოსან "მანჩესტერ სიტის" 16 ქულით უსწრებს, თან 1 მატჩით ნაკლები აქვს ჩატარებული და 29 იანვარს ლონდონში "ვესტ ჰემს" დაუპირისპირდება.
პირველ ტაიმში სტუმართა გუნდის თავდამსხმელმა სადიო მანემ ტრავმა მიიღო და ტაკუმი მინამინომ შეცვალა - ეს ინგლისის ჩემპიონატში იპონელის დებიუტია.
პრემიერლიგაში ბოლო 2 სეზონში "ლივერპულის" მცველმა ტრენტ ალეკსანდერ-არნოლდმა 22 საგოლე გადაცემა გააკეთა, რაც საუკეთესო შედეგია.
"ლივერპულმა" პრემიერლიგაში ზედიზედ მე-14 გამარჯვება იზეიმა, თუმცა 7-მატჩიანი გოლგაუშვებელი სერია შეწყვიტა.
იურგენ კლოპის გუნდი ჩემპიონატში 40 შეხვედრის განმავლობაში დაუმარცხებელია და "არსენალის" რეკორდამდე 9 მატჩი უკლია.
ვულვერჰემპტონი. "მოლინე". 31 746 მაყურებელი
ვულვერჰემპტონი - ლივერპული 1:2
გოლები: 0:1 ჰენდერსონი (8), 1:1 ხიმენესი (51), 1:2 ფირმინო (84)
![alt](/pictures/image50/82f200cb53215d4671065edc9f481f9e.jpg ""ლივერპულმა" პრემიერლიგაზე ზედიზედ მე-14 გამარჯვება იზეიმა")
იურგენ კლოპი: ყველაფერი ფირმინოს ჯადოქრობამ გადაწყვიტა
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
