პრემიერლიგის 28-ე ტურის დასკვნით მატჩში "ლივერპულმა" სტუმრად 1:0 დაამარცხა "ვულვერჰემპტონი".
ტრავმით გამოწვეული ხანგრძლივი პაუზის შემდეგ პორტუგალიელი დიოგუ ჟოტა დაბრუნდა და 42+2-ე წუთზე გოლი გაიტანა - 20 ნოემბრის შემდეგ პირველად.
კომპენსირებულ დროში თანაგუნდელ მცველ კონორ კოუდისთან შეჯახების შემდეგ გონება დაკარგა "ვულვზის" პორტუგალიელმა მეკარე რუი პატრისიუმ და ექიმებს დახმარების აღმოსაჩენად 15 წუთი დასჭირდათ. მისი გუნდის მწვრთნელმა ნუნუ ეშპირიტუ სანტომ ნამატჩევს განაცხადა, რომ გოლკიპერი გონზე მოვიდა და ყველაფერი ახსოვს.
სტუმართა გუნდის 35 წლის ნახევარმცველი ჯეიმს მილნერი ჩემპიონატზე 158-ედ შევიდა შეცვლაზე და პიტერ კრაუჩის რეკორდი გაიმეორა.
"ლივერპულმა" ორმატჩიანი წაგებათა სერია შეწყვიტა, 46 ქულით მეექვსე ადგილზეა და 4 აპრილს ლონდონში "არსენალს" შეხვდება.
![alt](/pictures/image50/66d92bd38fda41c551796fa85e6d44b8.jpg ""ლივერპულმა" ძლივს მოიგო - "ვულვზის" მეკარე ძლივს გადაარჩინეს")
ჯერარდი მზადაა კლოპი შეცვალოს
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
