ინგლისური პრესის ინფორმაციით, "ჩელსი" ახლოსაა "მანჩესტერ სიტის" თავდამსხმელის, რაჰიმ სტერლინგის შეძენასთან. გავრცელებული ინფორმაციით, ლონდონელთა მთავარი მწვრთნელი თომას ტუხელი ინგლისელ ფორვარდზე დიდ იმედებს ამყარებს და გუნდის ერთ-ერთ წამყვან მოთამაშედაც განიხილავს.
სტერლინგის სატრანსფერო ღირებულება 55-60 მილიონ ევროს შეადგენს. გასულ სეზონში მან ყველა ტურნირზე "სიტის" შემადგენლობაში 47 შეხვედრაში ითამაშა, სადაც 17 გოლი გაიტანა და 9 შედეგიანი გადაცემა გააკეთა.
მას "ქალაქელებთან" კონტრაქტი კიდევ 1 წლით აკავშირებს.
