The Telegraph-ის ინფორმაციით, მთავარი მწვრთნელის დათხოვნის შემთხვევაში, "ტოტენჰემი" ენჯ პოსტეკოღლუს შემცვლელად ორ კანდიდატს განიხილავს. ლონდონელთა სიაში "ბორნმუთის" ამჟამინდელი თავკაცი ანდონი ირაოლა და "ფულჰემის" დამრიგებელი მარკო სილვა მოხვდნენ.
"დეზების" მიზანი ახლა ევროპის ლიგის მოგებაა და ავსტრალიელი მწვრთნელის ბედიც სავარაუდოდ, სწორედ ამ ტურნირზეა დამოკიდებული.
"ტოტენჰემი" პრემიერ ლიგის ცხრილში მე-14 პოზიციას იკავებს, ევროპის ლიგის მეოთხედფინალში კი ფრანკფურტის "აინტრახტს" დაუპირისპირდება.
