იტალიის ჩემპიონატის მე-18 ტურში "ნაპოლიმ" 3:2 დაამარცხა "სამპდორია" და ლიდერობა შეინარჩუნა. აღსანიშნავია, რომ ამ მატჩში 116-ე გოლი გაიტანა თავის გუნდში სლოვაკმა ნახევარმცველმა მარეკ ჰამშიკმა, რომელმაც დიეგო მარადონას რეკორდი დაამხო. შეგახსენებთ, ის "ნაპოლიში" მე-10 სეზონს ატარებს. რეკორდი კარგია, მთავარი კი მოგებაა, ჩვენ ხომ დღეს გენუელებთან ორჯერ ვაგებდით და მაინც მოვახერხეთ 3 ქულის აღებაო, განაცხადა ჰამშიკმა."ინტერი" სტუმრად" 0:1 დამარცხდა "სასუოლოსთან", მისმა კაპიტანმა მაურო იკარდიმ კი პენალტი ვერ გამოიყენა.
"ლაციომ" რომში 4:0 გაანადგურა "კროტონე", ხოლო "იუვენტუსმა" დაძაბულ ბრძოლაში ტურინში 1:0 სძლია "რომას" და "ნაპოლის" კვალში უდგას.
