"მილანისა" და იტალიის ნაკრების ყოფილმა მწვრთნელმა არიგო საკიმ "ნაპოლის" პროგრესზე და მის საჩემპიონო შანსებზე ისაუბრა:"მაურიციო სარიმ კარგი გუნდი შექმნა. მას არა ჰყავს ტოპ-ფეხბურთელები, მაგრამ ლამაზ ფეხბურთს ათამაშებს. ამის ნათელი დადასტურება კულიბალის, მერტენსის, ინსინიეს და გულამის პროგრესია.
სკუდეტო "ნაპოლისთვის" კარგი საჩუქარი იქნება, თუმცა მას "იუვენტუსის" დონის რესურსი არ გააჩნია. მიუხედავად ამისა, სარიმ უკვე მოიპოვა გამარჯვება".
