იტალიური პრესა იუწყება, რომ "ნაპოლიმ" "ბორდოსთან" შეთანხმებას მიაღწია და 25 წლის მცველი იუსუფ საბალი კარიერას "სან პაოლოზე" განაგრძობს. ჟირონდელები ფეხბურთელის სანაცვლოდ 15 მილიონ ევროს მიიღებენ. სენეგალელი ნეაპოლში დღეს ჩავა და სამედიცინო შემოწმებას გაივლის.
საბალიმ საფეხბურთო კარიერა პსჟ-ში დაიწყო, რის შემდეგაც განათხოვრებით "ევიანსა" და "ნანტში" ასპარეზობდა.
გასულ სეზონში მან "ბორდოს" მაისურით 35 შეხვედრაში მიიღო მონაწილეობა, თუმცა გოლი არ გაუტანია.
