იტალიური პრესის ინფორმაციით, "იუვენტუსს" ზაფხულის სატრანსფერო ფანჯარაზე კიდევ 3 ფეხბურთელის დამატება სურს. ტურინელებს "აინტრახტიდან" მარცხენა ვინგერის, ფილი კოსტიჩის, პსჟ-იდან ცენტრალური ნახევარმცველის, ლეანდრო პარადესის, ხოლო მადრიდის "ატლეტიკოდან" ფორვარდის, ალვარო მორატას გადაბირება სურთ.
"ვეკია სენიორას" მიზანი განსაკუთრებულად წინა ხაზში გაძლიერებაა და პრიორიტეტად მორატას ტრანსფერი რჩება.
