La Gazzetta dello Sport-ის ინფორმაციით, "ლივერპულს" "ინტერის" ნახევარმცველის ნიკოლო ბარელას დამატება სურს. 26 წლის ფეხბურთელი ზაფხულში "მერსისაიდელთა" სატრანსფერო სიაშია და ინგლისური კლუბი შუახაზელის გადაბირებას შეეცდება.
იწერება იმის შესახებაც, რომ ნიკოლოს ფასმა შესაძლოა, 70 მილიონი ევრო შეადგინოს. ბარელამ მიმდინარე სეზონში სერია A-ში 22 მატჩი ჩაატარა, 5 გოლი გაიტანა და ამდენივე შედეგიანი გადაცემა გააკეთა.
