იტალიის ნაკრების ყოფილმა მწვრთნელმა რობერტო მანჩინიმ Corriere dello Sport-თან საუბარში უარყო ინფორმაცია, რომ მისი "სკუადრა აძურადან" წასვლა საუდის არაბეთში გადასვლას უკავშირდება. როგორც გამოცდილმა სპეციალისტმა აღნიშნა, ასეთ ბინძურ ჭორებს არ იმსახურებს და საუდის არაბეთის კლუბებთან საერთო არაფერი აკავშირებს.
მოგეხსენებათ, მანჩინიმ იტალიის ნაკრები 5-წლიანი მუშაობის შემდეგ დატოვა. ვაკანტურ პოსტს, დიდი ალბათობით, ხვიჩა კვარაცხელიას ყოფილი დამრიგებელი ლუჩანო სპალეტი დაიკავებს.
