იტალია შესვენების შემდეგ იმობილემ დააწინაურა, საპასუხო გოლი კი შესანიშნავად შესრულებული საჯარიმოდან ბარდიმ გაიტანა.
სტუმართა გუნდს პირველად უხელმძღვანელა სპალეტიმ, რომელმაც „ნაპოლიში“ თავისი ყოფილი შეგირდები დი ლორენცო და პოლიტანო სასტარტოში დააყენა, თუმცა ამ უკანასკნელმა ცუდად ითამაშა და პირველი ტაიმის შემდეგ შეცვალა. რაც შეეხება მათ თანაგუნდელებს, რასპადორი 89-ე წუთზე შეუშვა შეცვლაზე, ხოლო მერეტი სათადარიგო იყო. მასპინძელთა რიგებში შეუცვლელად ითამაშა ელმასმა.
ამ ჯგუფში 13 ქულით ლიდერი ინგლისია, უკრაინა 7 ქულით მეორე ადგილზეა, იტალიას და ჩრდილოეთ მაკედონიას 4-4 ქულა აქვთ, მალტა კი უქულოდაა. აღსანიშნავია, რომ "სკუადრა აძურას" 3 შეხვედრა აქვს ჩატარებული და 12 სექტემბერს მილანში უკრაინას დაუხვდება, რომელიც ინგლისს დაუზავდა (1:1)
სკოპიე. „პროესკი არენა“
ჩრდ. მაკედონია - იტალია 1:1
გოლები: 0:1 იმობილე (47), 1:1 ბარდი (82)
რადგან მაკედონის ვერ მოუგო არაა კარგი მწვრთნელი?
აბა ეხლა საჯარიმო დარტყმას შეხედე,დონარუმამ კედელი დააყენა და კედელს უკან დაუდგა, ნანახი არ მქონდა გოლი და პირდაპირ გავიფიქრე რომ თავის კუთხეში გაუშვებდათქო გოლს. ეგეთ ჯარიმას მეკარე არ უნდა უშვებდეს,არც მაღალ კუთხეში იყო დარტყმული და არც დაბალში,მეკარისათვის იდეალურ სიმაღლეზე იყო დარტყმული,უბრალოდ იმდენად იყო მარჯვნივ გადაწეული ფიზიკურად ვეღარ მოასწრო და გაიჭიმა მაგხელაზე