ზვონიმირ ბობანი, ლოთარ მათეუსი, მარკო ვან ბასტენი, პეტერ შმეიხელი, ხორხე კამპოსი, დიეგო ფორლანი და რიო ფერდინანდი რუსეთის პრეზიდენტს, ვლადიმირ პუტინს კრემლში ესტუმრნენ.დასავლეთის განსაკუთრებული აღშფოთება ვან ბასტენისა და მათეუსის სტუმრობამ გამოიწვია.
"ეს საზიზღარი სანახავია. ვან ბასტენი კარგი ფეხბურთელი იყო, მაგრამ თავისი ქვეყნის ცუდი მოქალაქე გახდა. მას ჰქონდა საშუალება ეკითხა პუტინისთვის, როდის აიღებს საკუთარ თავზე თვითმფრინავ MH17-ის რეისის ჩამოგდებაზე პასუხისმგებლობას, თუმცა ეს არ გააკეთა. ვან ბასტენი მხოლოდ ფიფას სათამაშოა, რომელიც ფულის გამო ყველაფერს იკადრებს", - განაცხადა ჰანს დე ბორსტმა, რომლის ქალიშვილიც
ამერიკელმა ადვოკატმა, ჯერი სკინერმა, რომელიც ევროპის სასამართლოში კატასტროფაში დაღუპულთა ინტერესებს წარმოადგენს, შემდეგი განაცხადა:"თუ თქვენ დაგავიწყდათ მისტერ ვან ბასტენ, შეგახსენებთ: პუტინმა კაცები, ქალები და ბავშვები მოკლა, რომელთა შორის თქვენი გუნდის მრავალი გულშემატკივარი იყო. გერჩიათ პუტინისთვის აეღო თვითმფრინავის ჩამოგდებაზე პასუხისმგებლობა".
მათეუსი "ბილდის" საფეხბურთო ექსსპერტია და ამ გამოცემამ მკაცრად გააკრიტიკა:"ლოთარი საკმაოდ ჭკვიანია და იცის, რა აქვს ჩადენილი პუტინს. მან უფლება მისცა მკვლელს მის ფონზე გაებრწყინა. პუტინი ამით თავის პროპაგანდას ეწევა, მათეუსი კი ამ პროპაგანდის ნაწილი გახდა. თუ პუტინს ხელები მართლაც სისხლიანი აქვს, მაშინ ლოთარი მკვლელობის მანქანას ამართლებს. ამ მომენტში მან ტალახში ამოთხვარა სპორტი, რომელმაც ყველაფერი მისცა. არც ერთმა არ უნდა გამოიყენოს ტირანი პიარისთვის - პუტინია ეს თუ ერდოღანი".
ბრიტანელებმა პუტინი ჰიტლერს შეადარეს და მუნდიალზე თავიანთი სანოვაგით ჩავლენ
