"მანჩესტერ იუნაიტედის" აწ უკვე ყოფილი ნახევარმცველი ანდერ ერერა, რომელსაც კლუბთან კონტრაქტი ორიოდე დღის წინ დაუსრულდა, პსჟ-ს რიგებში იასპარეზებს - ამის შესახებ ფრანგული გრანდის ვებგვერდი იუწყება.ერერამ კლუბთან 5-წლიანი კონტრაქტი გააფორმა და დედაქალაქელთა რიგებში 2024 წლის ზაფხულამდე დარჩება.
ესპანელი ნახევარმცველი "იუნაიტედს" 2014 წელს "ბილბაოდან" შეუერთდა და 5 წლის განმავლობაში 189 მატჩი ჩაატარა, სადაც 20 გოლითა და 27 საგოლე გადაცემით გამოირჩა.
ერერა "იუვენტუსში" გადასული ადრიენ რაბიოს შემცვლელად მოიაზრება, რომელიც ტურინულ კლუბს ასევე უფასოდ შეუერთდა.
![alt](/pictures/image50/6a501ca05ac8ab05b1df7cb84e305a10.jpg "პსჟ-მ "მანჩესტერ იუნაიტედის" ყოფილი ნახევარმცველი ხელში უფასოდ ჩაიგდო")
ადრიენ რაბიო "იუვენტუსის" ფეხბურთელი გახდა
