ევროპა ლიგის მეორე საკვალიფიკაციო ეტაპზე მინსკის "დინამომ" სტუმრად 3:1 იმ "დუნაისკა სტრედას" სძლია, რომელმაც ამ ტურნირის პირველი რაუნდიდან თბილისის "დინამო" გამოაგდო.
ანგარიში 24-ე წუთზე სტუმართა გუნდის მცველმა ბეგუნოვმა გახსნა, 39-ე წუთზე კი სლოვაკმა მცველმა სიმჩაკმა მეორე ყვითელი ბარათი მიიღო და მისი გუნდი რიცხობრივ უმცირესობაში დარჩა. მასპინძლებმა მიუხედავად ამისა პირველი ტაიმის დასასრულს მოახერხეს პენალტით ანგარიშის გათანაბრება.
შეცვლაზე შესულმა მინსკელთა ნახევარმცველმა მაკასმა 77-ე წუთზე კვლავ დააწინაურა თავისი გუნდი, ხოლო 90+4-ე წუთზე ბელარუსთა სერბმა ლეგიონერმა ნიკოლიჩმა მესამედ დაამწუხრა მეკარე მაცეი და ფაქტიურად, საპასუხო შეხვედრა ფიქციად აქცია.
რაც შეეხება "დუნაისკას" კოტ დ'იუვარელ ფორვარდს ბაიოს, რომელმაც თბილისის "დინამოს" დაცვა დააწიოკა, მინსკელებმა გოლი არ გაატანინეს.
უკვე გაუწყეთ, რომ ბელარუსულ გუნდში საქართველოს ნაკრების მცველი გიორგი ნავალოვსკი ჩაირიცხა, ის ამ მატჩის განაცხადში არ იყო, მაგრამ არაა გამორიცხული, განმეორებით შეხვედრაში მიიღოს მონაწილეობა.
05:28 27-07-2018
თბილისის "დინამოს" გამომგდებ "დუნაისკა სტრედას" მინსკის "დინამომ" სლოვაკეთშივე მოუთავა საქმე [VIDEO]
AutoSharing Option
![alt](/pictures/image50/ccce97e9d7dfb43febb945c262f7baa3.jpg "თბილისის "დინამოს" გამომგდებ "დუნაისკა სტრედას" მინსკის "დინამომ" სლოვაკეთშივე მოუთავა საქმე [VIDEO]")
გიორგი ნავალოვსკი მინსკის "დინამოში" ჩაირიცხა
ასევე დაგაინტერესებთ
![ბელარუსმა ფეხბურთელმა ძალიან ლამაზი გოლი გაიტანა [VIDEO]](/pictures/image7/d99e57285ea0c1b5388e4856219c4977.jpg "ბელარუსმა ფეხბურთელმა ძალიან ლამაზი გოლი გაიტანა [VIDEO]")
სიახლეები
პოპულარული
დავუკრათ ტაში თუ მოვთხოვოთ პასუხი?