შვედმა ფორვარდმა ზლატან იბრაჰიმოვიჩმა იტალიურ მედიასთან საუბარში კომენტარი მნიშვნელოვანი პრობლემის, რასიზმის შესახებ გააკეთა.
"მაისურების ჩაცმა წარწერით "არა რასიზმს" და იგივე ტექსტის დროშები კარგია, თუმცა ეს პრობლემას არ წყვეტს. ჯობია დააკლდეს 3 ქულა, შეწყდეს მატჩები, ისე მოხდეს ყველაფერი, რომ კლუბები გამომუშავებულ თანხებს კარგავდნენ. ასე გაჩნდება სერია B-ში დაქვეითების შანსი.
უფრო დიდი სიმკაცრეა საჭირო. ადამიანები ვერაფერს იგებენ მანამ, სანამ უხეშ რეაგირებას არ შეეჯახებიან.
როცა იტალიაში ვთამაშობდი, ტრიბუნებიდან მეძახდნენ - "ციგანო!" ესეც რასიზმია, უპატივცემულობა, მიუხედავად იმისა, რომ სტადიონს მიღმა ისინი მაქებენ და მათთან
ერთად ფოტოს გადაღებას მთხოვენ,"- უთხრა ზლატანმა GQ Italia-ს.
![alt](/pictures/image50/c4b92622d1dacc7c2591b61982bf8394.jpg "იბრაჰიმოვიჩი: მაისურებზე წარწერები "არა რასიზმს" არაფერს ცვლის, უფრო დიდი სიმკაცრეა საჭირო")
"შევუერთდები კლუბს, რომელმაც... შევხდებით იტალიაში" - ზლატან იბრაჰიმოვიჩის მინიშნება![alt](/pictures/image50/8ca0580a5bb0cbe673b9765db1a9b9d4.jpg "იბრაჰიმოვიჩი: მაისურებზე წარწერები "არა რასიზმს" არაფერს ცვლის, უფრო დიდი სიმკაცრეა საჭირო")
გუნდებს რასიზმისა და დისკრიმინაციის გამოვლენის გამო ტექნიკური წაგება ჩაეთვლებათ
