"ბარსელონას" კაპიტანი ლიონელ მესი, რომელმაც ერთ კლუბში გატანილი გოლების რაოდენობით პელეს რეკორდი ლა ლიგის გასულ ტურში "ვალიადოლიდის" კარის დალაშქვრით დაამხო, 160-ვე მეკარეს, რომლებსაც 644 გოლი გაუტანა, საკოლექციო ლუდს გაუგზავნის.
ლეოს ამ წარმატებასთან დაკავშირებით ლუდის კომპანია Budweiser-მა სპეციალური ვიდეორგოლიც გამოუშვა და წარადგინა ლუდის ბოთლი, სახელად "Messi".
პრომო-რგოლში ჩანს, როგორც აწერს სპეციალურ ფრაზას თითოეული მეკარისათვის გასაგზავნ ბოთლზე და ამბობს, რომ "ადვილი გოლები არ არსებობს".
თავად კომპანია "ტვიტერში" წერს, რომ ამ სიმბოლურ ბოთლს 160-ვე მეკარე მიიღებს, რომლებსაც ლეომ კარიერის მანძილზე "ბარსას" მაისურით გაუტანა.
![მოედანზე შემოსვლიდან 2 წუთში - ლიონელ მესიმ "ფილადელფია უნიონს" გაუტანა [VIDEO]](/pictures/image7/dab9b0b5507d78680faab2b7a0097a10.jpg "მოედანზე შემოსვლიდან 2 წუთში - ლიონელ მესიმ \"ფილადელფია უნიონს\" გაუტანა [VIDEO]")
