ტურინის "იუვენტუსის" ფორვარდ კრიშტიანო რონალდოს საცოლე ჯორჯინია როდრიგესი მადრიდის "რეალის" მთავარი მწვრთნელის, კარლო ანჩელოტის განცხადებას დამცინავად გამოეხმაურა.
"კრიშტიანო მადრიდული კლუბის ლეგენდაა. ჩემი მხრიდან სრულიად სიყვარული და პატივისცემა დაიმსახურა, თუმცა მისი გუნდში მოყვანის სურვილი არ მქონია. ჩვენ წინ მივდივართ", - განაცხადა იტალიელმა.
62 წლის "პაპა კარლოს" განცხადების სქრინი ესპანური გადაცემა El Chiringuito de Jugones-ის "ინსტაგრამგვერდზე" დაიდო და ის ყურადღების მიღმა ჯორჯინიას არ დარჩენია. "ჰა-ჰა-ჰა-ჰა" - დაწერა კომენტარებში როდრიგესმა. როგორც ჩანს, კრიშტის საცოლე ანჩელოტის განცხადებას არ ეთანხმება
და აგდებულად უყურებს.
კარლო ანჩელოტი და კრიშტიანო რონალდო ერთად "რეალში" 2 სეზონის განმავლობაში მუშაობდნენ. მათ ერთად ესპანეთის თასი, ჩემპიონთა ლიგა და უეფას სუპერთასი მოიგეს.
მომზადებულია Eurosport-ის მიხედვით
რონალდო ბიზნესს აფართოებს
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
