რუსეთის პრემიერლიგის მე-15ტურში „რუბინმა“, რომელსაც დისკვალიფიცირებული ხვიჩა კვარაცხელია ვერ დაეხმარა, გასვლაზე 2:1 დაამარცხა ერთ-ერთი ლიდერი „სოჭი“.
მატჩის წინ Kazanfirst-ი წერდა, რომ წარმოსადგენადაც ძნელი იყო, თუ რა ელოდათ ამ შეხვედრაში. თუმცა, ყაზანურმა გუნდმა მცირე სიურპრიზი შემოგვთავაზა.
დასაწყისი "რუბინს" სახეიროს არაფერს უქადდა, რადგან 27-ე წუთზე მასპინძლები როდრიგაომ დააწინაურა, 31-ე წუთზე კი აბილდგორმა ანგარიში გაათანაბრა. თამაში ძალიან უხეში იყო და მსაჯმა 59-ე წუთზე პირდაპირი წითელი ბარათით სოჭელთა მცველი იურგანოვი გააძევა, ხოლო 2 წუთში მის გზას აბილდგორიც გაუყენა. გამარჯვების გოლი კი 81-ე წუთზე დრეიერმა
გაიტანა.
"რუბინი" 22 ქულით მე-8 ადგილზეა და 28 ნოემბერს მოსკოვის "დინამოს" უმასპინძლებს, რომელმაც დღეს "არსენალი" 5:1 გაანადგურა (ტულელი ზურიკო დავითაშვილი სათადარიგო იყო) და სატურნირო ცხრილში მეორე პოზიციაზე გადაინაცვლა.
![alt](/pictures/image50/b1d1c7795d4b9e32ace1cf6fe8fb1c74.jpg "მცირე სენსაცია - "რუბინმა" ხვიჩას გარეშე სოჭში მოიგო")
"აპლოდისმენტებისთვის მსაჯს კვარაცხელია უნდა გაეძევებინა" - რუსული მედია
